USD
КИЕВ. 19 тамыз. Кремль диктаторы Украина президентіне бейбіт келіссөздерді Мәскеуде өткізуді ұсынып, шешуші жауап алды. Бұл туралы Dialog.ua ақпарына сүйенген rast.kz хабарлайды.
Украина басшысы Володимир Зеленський Кремль диктаторы Владимир Путиннің соғысты тоқтатуды талқылайтын екі жақты келіссөздерді Мәскеуде өткізу жөніндегі ұсынысына келіспеді.
Кремль көсемі 18 тамыз, дүйсенбі күні Дональд Трамппен телефон арқылы сөйлескен кезде Зеленськиймен келіссөздер өтетін орын ретінде Мәскеуді ұсынды деген болжам бар.
Айта кетейік, Америка президенті бұл туралы жақ ашпай, тек Зеленський мен Путиннің кездесуіне дайындық туралы жалпы сөйлемдермен шектелген еді.
Украина басшысы өз кезегінде Путиннің ұсынысын өз тарапынан егжей-тегжейлі түсіндірместен бірден қабылдамады. Сонымен бірге, 18 тамызда Уашингтондағы келіссөздерден кейін Зеленский Кремль диктаторымен кездесу жоспарын растап, бұл кездесуде аумақтарды айырбастау мәселесін талқылайтынын атап өтті.
Бұл ретте Украина мен Ресей президенттерінің кездесуі ресми түрде бекітілмеген. Сондай-ақ бұл ықтимал кездесудің орны туралы келісім жоқ.
