USD
КИЕВ. 25 маусым. Украина президенті Володимир Зеленський белорус басшысы Александр Лукашенканың Украинаға соққы беруді реттейтін ретрансляторларды ажыратып тастағанын мәлімдеді. Бұл туралы The Moscow Times ақпарына сүйенген rast.kz хабарлайды.
Зеленський Ресейдің Украинаға шабуыл жасау кезінде дрондарды бағыттап тұруға пайдаланып келген Беларусь жеріндегі ретрансляторлары 22 маусымнан бастап өз жұмысын тоқтатқанын жеткізді. Бұған белорус тарапының құрылғыларды бұзып әкеткен-әкетпегенін білмейтінін қосты. Бірақ Украина «бұл тарапты жұмыс жасап жатыр», күн сайын соған орай баянат алып тұр. «Факт – ретранслятор қазір жұмыс істемейді», – деп атап өтті ол.
Мәлімдеме Зеленський Лукашенкаға Ресей ретрансляторларын бұзып тастауға бір апта уақыт мұрсат бергенінен бірнеше күн кейін жасалып отыр. Дәлірегі, 19 маусымда украин лидері егер белорус бульбашы бекітілген мерзімде жүзеге асырмаса, оны Украинаның өзі жасайтынын мәлімдеген болатын. Ол сондай-ақ Минскіні РФ армиясының «басты жабдықтаушысы» екенін атап өтіп, бұдан былай басқыншыларға Беларусьтен мұнай өнімдерін жеткізіп беріп тұруды тоқтатуға шақырған.
Ресей президентінің баспасөз хатшысы Дмитрий Песков Киевтің бұл талабын «агрессивті сес көрсету» және Беларусьтің ішкі істеріне қол сұғу деп атап, «жақын келешекте» Путин мен Лукашенканың бұл мәселені талқылап шешу үшін бір-бірлерімен байланысатындарын мәлім етті. Ал Лукашенка өз кезегінде, 16 маусым күні-ақ өзінің бұған дейін қатқылдау сөйлеп қойғаны үшін Зеленськийден кешірім сұрап, Беларусьтің соғысқа араласқысы келіп отырмағанына сендіруге тырысқан еді.
