USD
МӘСКЕУ. 24 маусым. Украина ұшқышсыз ұшақтары Мәскеу түбіндегі мұнай өңдеу зауытын істен шығарғаннан кейін Кремль Қазақстаннан бензин сұрауға мәжбүр болып отыр. Бұл туралы The Moscow Times ақпарына сүйенген rast.kz хабарлайды.
Осы саладағы 4 мәнбе мәліметіне сілтеме жасаған Reuters агенттігі Ресей Қазақстанмен ішкі нарықта отын тапшылығына байланысты шамамен 50 мың тонна көлемінде АИ-92 автобензинін импорттау мүмкіндігін жасау жөнінде Ресей келіссөздер жүргізетінін жазды.
Дереккөздердің бірінің айтуынша, процессинг шарттарымен қазақстандық мұнай өңдеу зауыттарының біріне Ресей мұнайын жеткізу мүмкіндігі талқылануда. Қазіргі уақытта Қазақстанда автобензиннің профициті байқалады, алайда 26 маусым мен 20 шілде аралығында Атырау МӨЗ әдеттегіше жөндеуге тоқтайды, бұл кезде өнім резерві қысқарады.
«Біз Қазақстанмен келіссөздер жүргізіп жатырмыз, бірақ үміт аз», – деп шағымданды Reuters-ке ресейлік ақпарат көзі.
Агенттік сұхбаттасушыларының айтуынша, жалғыз мүмкіндік – қазақстандық «Конденсат» зауытынан бензин шығарып алу. Ол ресейлік «Танеко» МӨЗ өндірген газ конденсатының дистиллятын қайта өңдейді және ай сайын отынды еркін сатуға Энергетика министрлігінің квоталарын алатын жалғыз қазақстандық МӨЗ болып табылады.
Reuters-тің Қазақстандағы мәнбесінің пікірінше, РФ-ға автобензинді Ресей авиакеросинімен алмастыру арқылы ғана жеткізу мүмкін болады. Қазақстан шілде айында Атырау МӨЗ жөндеу жұмыстары үшін тоқтап, импорт түсіп кеткен кезде, авиокеросиннің тапшылығын бастан кешеді. Мәлімет бойынша, Ресей авиакеросинді сыртқа, соның ішінде Қазақстанға экспортқа шығаруды күрт қысқартып жіберген.
Отын тапшылығына қарсы күресте Ресей Федерациясының Үкіметі МӨЗ-ге ішкі нарық үшін сапа көрсеткіштері төмен автобензин мен дизель отынын шығаруға рұқсат берді. Сонымен қатар, осы айда Ресей бензинді теңіз арқылы импорттауды жоспарлап отыр.
