USD
УЛАН-УДЭ. 29 сәуір. Ресей Федерациясының Бурятия республикасына Украинадағы соғыста оққа ұшқан жергілікті ұлт өкілдері көптеп әкелініп жатыр. Бұл туралы «Тайга.инфо» хабарлады,
Бурятия, ресми мәлімет бойынша, Украина жерінде түлектері қаза табушылар көп аймақтардың бірінен саналады. «Люди Байкала» қоғамының есебіне сәйкес, соғыста республиканың кем дегенде 102 өкілі қайтыс болған.
«Улан-Удэде Украинадағы «арнайы операция» кезінде қаза тапқандармен қоштасу рәсімі жергілікті спорт кешенінде жүргізіледі. Сол мезгілде онда балалар сабақ өтіп жатады», – делінген хабарламада.
«Балалар қабырғаның келесі бетінде, ғимараттың көрші бөлігінде жаттығады. Жаттығу залы жаназа жасалып тұратын есіктен бірнеше метр жерде. Ал мәйіттердің иісі жаман, ол айналаны түгел алып кетеді», – деді балалардың бірінің анасы Татьяна.
Биылғы наурыз айының басынан бері ұрыс даласында қаза тапқандар мүделері әкелініп жатыр екен. Олармен қоштасу рәсімі 2021 жылы салынған «Лукодром» спорт кешенінде өтуде. Бұл – Бурятияда өте жақсы дамыған садақ ату спортының басты аймақтық орталығы. Онда жаназа кезінде де спорт секциялары жұмыстарын тоқтатпайды.
Қаза тапқандарды Улан-Удэге әкелу біраз уақытты алады. Кейде өлген сарбазды жеткізу бір-екі айға дейін созылады. Осы аралықта мәйіт сасып кетеді.
«Наурыздың басында алғашқы сарбаздар жерлене бастағанда, оларды шығарып салуға республика басшысы Алексей Цыденов келуші еді. Кейін бұлар көбейіп кеткесін, ол бұған қатысуды қойды», – деп жазды жергілікті БАҚ-тар қаза тапқандардың бірінің сөзін жариялап.
