USD
ВАРШАВА. 4 шілде. Польша Украинаға әскери көмектің жаңа ауқымды пакеті мәселесіне сақтықпен қарап, өзін өзі тартып ұстайды. Бұл туралы The Moscow Times ақпарына сүйенген rast.kz хабарлайды.
Польша премьер-министрі Дональд Туск 3 шілде күні осының жайын мәлімдеді. Ол мұны НАТО-ның шығыс шекарасына күш бөлуді арттырумен байланыстырып, мәселені альянстың жақында Анкарада өтетін саммитінде жеткізетіндерін баяндады.
Оның айтуынша, поляк үкіметі бұл ұстанымын ел президенті Карол Навроцкиге тапсырған, ол алдағы альянс саммитінде Варшаваның атынан қатысады.
Сонымен бірге, Туск Украинаға одан әрі көмек көрсетуге жалпы қолдау білдіретінін айта келіп, өз елінің Ресей Федерациясы мен Беларусьтен қорғануда Еуропа одағы пен Солтүстік Атлантикалық альянс алдында тұрған міндеттемелерін атап өтті.
Сол күні НАТО-ның Украинаға жаңа ауқымды әскери көмек пакетін 7-8 шілдеде Анкара өтетін саммитте жариялауды жоспарлап отырғаны белгілі болды. 3 шілдеде альянстың 32 мүшесінің өкілдері Украинаға 2026-2027 жылдары әскери техникаға, әскерді қолдауға және дайындыққа жылына кемінде 70 миллиард еуро бөлу жоспарын мақұлдады.
Аталмыш көмек бағдарламасына ЕО-ның бұрын қабылданған әскери қолдау пакеті кіреді, оның аясында Киев 2027 жылдың соңына дейін қорғаныс шығындары үшін шамамен 60 миллиард еуро алады. Осылайша, НАТО елдері бұл сомаға ұлттық бюджеттерден тағы 80 миллиард еуро қосуға келісті.
Соңғы апталарда Украина президенті Володмир Зеленськийдің Украина Қарулы күштері бөлімшелерінің біріне «УПА (украин көтерілісшілер армиясы) бөлімшесінің атауын беру туралы шешіміне байланысты Киев пен Варшава арасындағы дипломатиялық қақтығыс жалғасуда. Киевтің мұндай қадамы Украинаның Ресей шапқыншылығынан қорғанудағы басты одақтастарының бірі болып табылатын Варшавада қатты сынға алынды. Польшада УПА ең алдымен Волынь қырғынымен байланыстырылып қарастырылады, екінші дүниежүзілік соғыс кезінде осы жерде «украин көтерілісшілер армиясының» қатысуымен поляктарды жаппай өлтіру оқиғасы орын алған. Варшава бұл оқиғаларды ресми түрде геноцид деп таныды.
Польша президенті Карол Навроцкий осыдан кейін Зеленськийдің әрекетіне жауап ретінде оны Польшаның ең жоғары наградасы – Ақ Бүркіт орденінен айырған болатын. Зеленськийден кейін Польша тапсырған марапаттарды басқа да украин басшылары кері қайтарып берген, ал Польшада бірқатар саясаткерлер Украинаның мемлекеттік наградаларын Киевке қайтарды. Олардың арасында «Құқық және әділдік» ұлттық-консервативті партиясының жетекшісі Ярослав Качинский бар, ол үкіметті Украинаның ЕО-ға кіруі туралы келіссөздерге тосқауыл қоюға шақырды.
Маусым айының соңында Польшаның Украинаға МиГ-29 жойғыштарын беруден бас тартқаны да белгілі болды.
