USD
УАШИНГТОН. 17 қазан. Дональд Трамптың соғысты тоқтату үшін Владимир Путинмен кездесетінін мәлімдеуі Украинаның «бетіне салқын су шашып жібергенмен» бірдей болды. Бұл туралы DW ақпарына сүйенген rast.kz хабарлайды.
АҚШ президенті Дональд Трамптың Украинадағы соғысты тоқтату үшін РФ диктаторы Владимир Путинмен тағы бір рет саммит өткізетін болып шешуі әлем қауымын дүр сілкіндірді.
Bloomberg хабарлағандай, олар бұл жолы Будапештте ұшырасатын болып ұйғарым жасасыпты.
Екі лидердің бұған дейінгі бірінші кездесуі биылғы тамыз айында АҚШ-тың Аляска штатында өткен еді. Алайда ол ешқандай да позитивті нәтиже әкелген жоқ. Америка президентінің «соғысты бір күнде тоқтатата алатыны» жөніндегі мәлімдемесі бос сөз болып шықты. Путин тарапынан ұрыс қимылдарын қоюға бастайтын титтей де әрекет болмады.
Трамп Украина президенті Володимир Зеленськиймен кездесер алдында тағы Путинмен телефон арқылы хабарласып, екі сағат бойы әңгімелесіп, жаңа саммиттің жайын талқыласып алды. Ол өзінің «бейбітшіліктің нақты жолын іздестіріп» жатқанын баяндады. Бірақ Кремль диктаторымен әңгімесінің мазмұнын айта қоймады. Соның ішінде Tomahawk қанатты зымырандарын Украинаға беру немесе Ресейге қарсы жаңа санкциялар енгізу жөніндегі сұрақ та жауапсыз қалды.
