USD
КИЕВ. 10 мамыр. Бүгін Киевте бас қосқан «тілек білдірушілер коалициясы» Ресейді 12 мамырдан бастап атысты доғаруға шақырды. Бұл туралы DW ақпарына сүйенген rast.kz хабарлайды.
Украина астанасында Германия канцлері Фридрих Мерцтің, Франция президенті Эмманюэль Макронның, Ұлыбритания премьер-министрі Кир Стармердің және Польша президенті Дональд Тусктің қатысуымен «Тілекшілер коалициясы» мүшелерінің бас қосуы өтті. Оған қатысушылар РФ-дан атысты 30 күнге тоқтатуды талап етті.
Украина мен оның одақтастары 12 мамырдан «кемінде 30 күн құрғақта, әуеде және теңізде атысты толық сөзсіз тоқтатуға дайын». Мұны Киевте 10 мамыр, сенбі күні «тілек білдірушілер коалициясының» отырысы қорытындысында Украина сыртқы істер министрі Ондрий Сибига мәлімдеді.
Қонақтар Киевке келгеннен кейін Тәуелсіздік алаңында қаза тапқан украиндарды еске алды.
«Тілек білдірушілер коалициясы құрамында Германия, Ұлыбритания, Франция, Австралия, Бельгия, Болгария, Грекия, Дания, Ирландия, Исландия, Испания, Италия, Канада, Кипр, Латвия, Литва, Люксембург, Нидерланд, Норвегия, Польша, Португалия, Румыния, Словения, Түркия, Хорватия, Черногория, Чехия, Швеция, Финляндия, Эстония секілді 30 ел бар.
