USD
НЬОН. 3 маусым. FlashScore белгілі статистикалық порталы «Қайрат» командасының қақпашысы Темірлан Анарбековті Чемпиондар лигасының 2025/2026 маусымдағы үздік қақпашысы деп таныды. Бұл туралы Tengri Sport дерегіне сүйенген rast.kz хабарлайды.
22 жасар Темірлан Анарбеков өткен жылдан бері «Қайраттың» №1 голкипері болып, команда қақпасын қорғап келеді. Сол маусымда Қазақстан құрамасы сапына да шақырылды.
Порталдың верcиясы бойынша, 11 футболшыдан тұратын тізімге 8 клубтың өкілдері кірlді. Олардың қатарында мына атлеттер бар: қақпашы – Темірлан Анарбеков («Қайрат», Алматы, Қазақстан); қорғаушылар – Алессандро Бастони («Интернационале», Милан, Италия), Вирджил ван Дейк («Ливерпуль», Ливерпуль, Англия), Родиней (шын аты-жөні – Родиней Марсело де Алмейда, «Олимпиакос», Пирей, Грекия); жартылай қорғаушылар – Диаз (шын аты-жөні – Луис Фернандо Диас, «Бавария», Мюнхен, Германия), Витинья (шын аты-жөні – Витор Феррейра, «Пари Сен-Жермен», Париж, Франция), Майкл Олисе («Бавария», Мюнхен, Германия), Ламин Ямаль («Барселона», Барселона, Испания); шабуылшылар – Хвича Кварацхелия («Пари Сен-Жермен», Париж, Франция), Гарри Кейн («Бавария», Мюнхен, Германия), Килиан Мбаппе («Реал», Мадрид, Испания).
Осылайша, Темірлан Анарбеков Қазақстан футболшылары арасынан бірінші болып, Чемпиондар лигасының үздік ойыншысы деген атаққа қол жеткізіп отыр.
«Қайрат» топтық ойында ең соңғы орында қалып қойғанына қарамастан, оның дарбазашысы өзінің сәтті ойынымен суырылып алға шықты. Ол турнирде 34 сейв жасады, одан жоғары нәтижеге сегіз кипер ғана жете алды. Ең бастысы, Темірлан тура берілген соққылардың 72 пайызына тосқауыл қоя біліп, орта есеппен 4,39 голдың алдын алды.
Соның нәтижесінде «Қайрат» командасы қақпасы күзетшісінің жалпы кезеңнің алты ойынындағы рейтингісі орта 7,7 баллды құрады. Ал финалға дейін жеткен Лондонның «Арсенал» клубының қақпашысы Давид Райяның орта баллы 7,4-пен шектелді. Сол сияқты Мадридтің «Реалының» голкипері Тибо Куртуа 7,5 баллға ие болды.
Еске сала кетейік, Темірлан Чемпиондар лигасының жалпы кезеңіндегі алғашқы екі матчта командаға көмек бере алмады. Олардың біріншісінде «Қайрат» португалдың «Спортингінен» 1:4, екіншісінде испанның «Реалынан» 0:5 есебімен ұтылып қалды. Содан кейін ол барлық алты матчқа старттық құрамда щықты.
Команда Алматыда «Олимпиакостан» жеңілгеннен кейін Темірлан УЕФА-ның «Матчтағы үздік ойыншы» марапатымен наградталды. Ол, сөйтіп, мұндай сыйлық алған қазақстандық бірінші футболшы атанды.
Тағы да айта кетейік, «Қайрат» Чемпиондар лигасының топтық кезеңінде өнер көрсеткен қазақстандық екінші команда болды.
Жалпы кезеңнің қорытындысы бойынша команда турнир кестесінде ең соңғы орында қалды, ал Анарбеков сайыста соққыны қайтару бойынша үздік үштік құрамына кірді.
