USD
ТҮРКІСТАН. 26 тамыз. Түркістан облысының әкімі Өмірзақ Шөкеев қарауындағы лауазым иесінің жемқорлық әрекетімен сотталуына байланысты отставкаға арыз берді. Бұл туралы ҚазТАГ хабарлады.
Әңгіме Кентау қаласының бұрынғы әкімі Дәурен Мақажановқа қатысты болып отыр.
«Ол (Шөкеев – ҚазТАГ) отставка сұрап арыз берді, бірақ өзі ешқайда кеткен жоқ, енді оның отставкасын қабылдау не қабылдамау жөнінде шешімді президент шығарады», – деп баяндады жұма күні ҚақТАГ тілшісіне бұл жағдаймен жақсы таныс мәнбе.
Шөкеев аймақты 2019 жылдың ақпанынан бері басқарды, ол соған дейін, 2017 жылғы желтоқсаннан вице-министр – ауыл шаруашылығы министрі болды, ал 2011 жылдың желтоқсанынан «Самұрық-Қазына» әл-ауқат ұлттық қоры» акционерлік қоғамын басқарған еді.
Еске сала кетейік. 25 ақпанда Мақажанов пара алды деген күдікпен Алматыда ұсталып, уақытша ұстайтын оқшаулағышқа қамалған болатын. Сол күні «антикордағылар» оның 23 ақпан күні өзінің сенімді тұлғалары арқылы Кентаудағы автомобиль жолдарын жөндеу мемлекеттік-жеке әріптестік шеңберінде жұмыс жасайтын серіктестік директорынан $98 мың сома көлемінде пара алуына байланысты ұсталғанын растады. 13 шілдеде Мақажанов сот жүзінде 10 жылға бас бостандығынан айырылды. Енді үкім күшіне енді. Осыдан кейін Шөкеев өзінің отставкасы жөнінде арыз жазды.
Тағы да еске сала кетейік, Кентаудың әкімі Дәурен Мақажанов қолға түскенде, Өмірзақ Шөкеев осы айып дәлелденсе, өзінің қызметтен кететінін мәлімдеген болатын.
