USD
АСТАНА. 10 қазан. Қазақстан Президенті Қасым-Жомарт Тоқаев Саят Исановты Қарулы күштері Арнайы операциялар күштерінің қолбасшысы етіп тағайындады. Бұл туралы Zakon.kz ақпарына сілтеме жасаған rast.kz хабарлайды.
Тиісті құжат Ақорданың ресми сайтында жарияланды.
«Мемлекет басшысының өкімімен Исанов Саят Серікқазыұлы Қазақстан Республикасы Қарулы күштерінің Арнайы операциялар күштерінің қолбасшысы болып тағайындалды», – делінген хабарламада.
Бұған дейін Саят Исанов Қазақстан Республикасы Қарулы күштерінің Арнайы операциялар күштері қолбасшысының орынбасары қызметін атқарған. Ол кезде подполковник әскери атағы болған.
