USD
УАШИНГТОН. 17 шілде. АҚШ-тың Орталық барлау басқармасы Ресейдің әскерге жаңа алынған жауынгерлері Украинадағы ұрыс алаңында жарты сағаттан артық өмір сүре алмайтындарын мәлімдеді. Бұл туралы The Moscow Times ақпарына сілтеме жасаған rast.kz хабарлайды.
Орталық барлау басқармасының (ОББ) директоры Джон Ратклифф Пенсильванияда өткен қорғаныс және инновация жөніндегі саммитте Ресей армиясына жаңадан шақырылған сарбаздардың майдан даласында орта есеппен 20-30 минуттың ішінде оққа ұшып, жоқ болып кетіп жатқандарын атап өтті. Оның айтуынша, бұған Украина Қарулы күштерінің жасанды интеллектілі дрондарды жаппай қолдана бастағаны басты себеп болып тұр.
Агенттік атап өткендей, Ресейдің сандық жағынан Украинадан едәуір басым екеніне қарамастан, Киев Мәскеудің алға жылжуын негізінен соққы беретін дрондар саласындағы инновациялардың арқасында тоқтатып тұр.
«АҚШ шенеуніктері Ресей аптасына 7 мыңға жуық сарбазынан айырылады» деп мәлімдейді, ал Украина президенті Володимир Зеленський «жау нысандарының» 80%-дан астамын дрондардың жойып жібергенін айтады.
