USD
АСТАНА. 24 тамыз. Елімізді Құрылтай депутаттарын сайлау өткен 23 тамыз күні өмірге 657 нәрестенің келгені анықталды. Бұл туралы Денсаулық сақтау министрлігі баспасөз қызметі дерегіне сүйенген rast.kz хабарлайды.
«Қазақстанның медициналық ұйымдарында 657 сәби дүниеге келді. Оның ішінде 318 ұл және 339 қыз бала бар», – делінген хабарламада.
Мәлім болғанындай, жаңа туған нәрестелердің ең көп саны Алматы қаласында тіркелген. Ол 60 сәбиді құрайды. Осы күні сол сияқты Түркістан облысында – 54, Шымкент қаласында 51 шақалақ бала қатарға қосылған. Бұлардың арасынан бір егіздер жұбы көрінген.
Ана мен бала денсаулығын сақтау ұйымдарының медицина қызметкерлері, демалыс және мереке күндерін қоса алғанда, тәулік бойы жүкті әйелдерді қауіпсіз бақылауды және босандыруды қамтамасыз етіп, ана мен жаңа туған нәрестелерге қажетті медициналық көмек көрсетеді.
«657 қазақстандық отбасы үшін бұл күн ел өміріндегі маңызды саяси оқиғамен ғана емес, жаңа адамның дүниеге келуімен де мәңгі есте қалатыны сөзсіз. Денсаулық сақтау министрлігі ата-аналарды сәбилерінің дүниеге келуімен құттықтап, аналар мен балаларға зор денсаулық, отбасыларына амандық-береке және бақытты болашақ тілейді!», – делінген баспасөз парақшасында.
