USD
МӘСКЕУ. 4 тамыз. Ресейдің Wildberries компаниясы заттарын украин дрондарының соққыларынан қашып, Қазақстан, Өзбекстан және Беларусь жерлеріндегі қоймаларға жасыруға шешім қабылдады. Бұл туралы The Moscow Times ақпарына сілтеме жасаған rast.kz хабарлайды.
Ресейдің аса ірі Wildberries маркетплейсі қоймалары қуатының 20 пайызы Украина ұшқышсыз ұшақтарының шабуылдарынан қирап қалды. Сондықтан оның егесі ондай соққыларға ұшыраулары неғайбіл басқа елдердегі қоймаларда ұзақ уақыт сақтай тұруды жөн көріп отыр.
Мұның жайын компания қызметкерлері селлерлермен кездесулері кезінде айтып берді.
«Бізге олар енді қоймалардың «алысқа» – Беларусь, Қазақстан және Өзбекстан елдерінде болатындарын айтты. Мұның бағаға қалай әсер ететіні, жеткізу мерзімі, онда қарай қалай жөнелтілетіні кейінірек хабарланатын болды», – деді осы жиынға қатысушылардың бірі.
Қазақстандағы қоймаларға Қытайдан импорт жеткізуге оңайға түседі, олардың саны енді Wildberries-те көбейеді, демек, отандық сатушылар үшін қауіпті бәсекелес пайда болады.
«Астана мен Алматыда компания 46 мың шаршы метр қойманы жалға алып қойды, 2027 жылдың бірінші тоқсанында тағы 260 мың шаршы метр қойма салып алмақшы», – деді Сауда және интеграция министрі Арман Шаққалиев. Мұны ол «Wildberries-тің жергілікті филиалды дамыту жөніндегі жоспары» деп атап өтті. Оның айтуынша, Ресей мен Қазақстан украин дрондары Wildberries-ке шабуыл жасамай тұрған кезде-ақ RWB қоймаларын қазақ жерінде салу жөнінде мәселе көтерілген.
