Олимпиадалық 100 үздік мектеп тізімінде қай оқу ордалары бар?

АСТАНА. 8 шілде. Қазақстанның өтіп бара жатқан оқу жылындағы 100 үздік олимпиадалық мектептері құрамына қандай білім мекендері кіргені жарияланды. Бұл туралы «ҚазАқпарат» ақпарына сүйенген rast.kz хабарлайды.

«2022-2023 оқу жылындағы жалпы білім беретін пәндер бойынша оқушылардың республикалық олимпиадасының қорытынды кезеңін толық нәтижелеу үшін еліміздің 100 үздік олимпиадалық мектептер рейтингі жасалды», – делінген хабарламада.

Агенттік Оқу-ағарту министрлігіне сілтеме жасай отырып, осы тізімді ұсынды.

Еске сала кетейік, үздік олимпиадалық мектеп атану жолында республика бойынша 314 оқу ордасы сайысқа қатысқан. Олар түлектерінің оқу жылында алған медальдарына қарай тиісті балл жинаған. Рейтинг арнайы формула бойынша шығарылған. Осылайша алтын медаль – 3 балға, күміс – 2 балға және қола 1 балға бағаланған.

Осы ережеге сай, олимпиада қорытындысы бойынша 1-орынды 4 мектеп, 2-орынды 9 мектеп, 3-орынды 14 мектеп иеленген.