USD
МӘСКЕУ. 15 сәуір. Ресейдің Мемлекеттік думасы диктатор Владимир Путинге орыстар қамауға алынған елдерге әскер кіргізу құқығын ұстатты. Бұл туралы The Moscow Times ақпарына сүйенген rast.kz хабарлайды.
Мемлекеттік дума бірінші оқылымда Ресей Федерациясы Президентінің «Ресей Федерациясы азаматтарының құқықтарын қорғау» үшін шет мемлекеттерге әскер жіберу өкілеттігін кеңейтетін заң жобасын мақұлдады. Үкімет әзірлеген құжатқа сәйкес, Владимир Путин ресейліктерді тұтқындау, ұстау, қылмыстық және басқа да қудалау жағдайында Ресей армиясын шетелдегі операцияларға тарта алады», – делінген «Интерфакс» хабарламасында.
«Әңгіме Ресей Федерациясының қатысуынсыз өкілеттіктер берілген басқа елдердің соттары, сондай-ақ Мәскеу мойындамайтын халықаралық сот органдары қабылдаған шаралар («құзыреті Ресей Федерациясының халықаралық шартына немесе БҰҰ Жарғысының VII тарауында көзделген өкілеттіктерді іске асыру шеңберінде қабылданған БҰҰ Қауіпсіздік кеңесінің қарарына негізделмеген») туралы болып отыр», – делінген түсіндірмеде.
Ресей президентінің «Қауіпсіздік туралы» федералдық заңның 8-бабына сәйкес, әскерилерді шетелге жіберуге өкілеттігі бар. Мемлекет басшысы мұндай шешімді, егер басқа елдер немесе халықаралық органдар «Ресей Федерациясының мүдделеріне қайшы» немесе Ресейдегі «қоғамдық тәртіп негіздеріне» қарсы қадамдар жасаса, қабылдай алады.
Заң жобасы Ресейдің НАТО-ның бір немесе бірнеше елімен қақтығысқа түсуі ықтимал жағдайында қолданысқа енгізілетін болады.
Дума қорғаныс комитетінің басшысы Андрей Картаполов заң жобасы ресейліктердің, сондай-ақ ресейлік ұйымдардың құқықтарын, бостандықтары мен заңды мүдделерін «шетелдік заңсыз қол сұғушылықтардан» қорғауды қамтамасыз ететінін айтты.
