USD
АСТАНА. 12 қазан. Мемлекет басшысы Қасым-Жомарт Тоқаев бүгін барлық деңгейдегі мәслихаттардың өкілеттігін мерзімінен бұрын тоқтату туралы Жарлыққа қол қойды. Бұл туралы Ақорда баспасөз қызметінің дерегіне сүйенген rast.kz хабарлайды.
Мәтбұғат қызметінің ақпарынша, Президент еліміз Конституциясы 88-бабының 5-тармағына сәйкес Премьер-министр Олжас Бектеновпен және Құрылтай төрағасы Айбек Дәдебаймен кеңесулер өткізгеннен кейін аталмыш Жарлықты қолданысқа енгізген.
Жарлыққа орай барлық деңгейдегі мәслихаттардың өкілеттігі мерзімінен бұрын тоқтатылды.
Осыған орай Орталық сайлау комиссиясына барлық деңгейдегі мәслихаттар депутаттарын кезектен тыс сайлауды тағайындау, оны дайындау мен өткізуді ұйымдастыру жөніндегі шаралар қабылдау тапсырылды.
Сол сияқты Үкіметке, Астана қаласының, облыстардың, Алматы және Шымкент қалаларының әкімдеріне барлық деңгейдегі мәслихаттар депутаттарын кезектен тыс сайлауды ұйымдастырушылық, материалдық-техникалық және қаржылық қамтамасыз ету жөнінде шаралар қабылдау жүктелді.
