USD
ГЛАЗГО. 2 тамыз. Қазақстандық белгілі боксшы Геннадий Головкин басқаратын World Boxing ұйымы Ресей боксшыларының барлық халықаралық жарыстарда елдің ұлттық жалауымен және әнұранымен қатысуларына рұқсат берді. Бұл туралы Sports.kz ақпарына сілтеме жасаған rast.kz хабарлайды.
«World Boxing ресейлік боксшыларға барлық жас дәрежелеріндегі халықаралық жарыстарға өздерінің ұлттық жалауымен және гимнімен қатысуға рұқсат берді», – деп жазды Sports.kz порталы Ресей спорт министрі Михаил Дегтярёвтің сөзіне сілтеме жасай отырып.
«Ресей боксы әлемдік аренаға қайта оралды. World Boxing біздің барлық жас категориясындағы спортшыларымызды ұлттық жалаумен және әнұранмен барлық халықаралық жарыстарға қатысуға жіберді. Ресей Бокс федерациясы 2026 жылдың басында WB етіліп қабылданды. Қалыпты спорт байланысын қалпына келтіру мәселесін біз 2026 жылдың қаңтарында WB басшысы, Қазақстан Ұлттық олимпиялық комитетінің басшысы Геннадий Головкинмен Ташкентте кездесіп, талқылаған едік. Біз үшін бұл халықаралық олимпиялық комитет шешімінің маңызы зор, өйткені тап осы WB ұйымы Халықаралық олимпиялық комитетпен бірге бокстан олимпиялық турнир өткізуге уәкілетті. Ресей Бокс федерациясының WB-ға толыққанды мүше болуы ресейлік боксшылардың олимпиялық циклды қоса алғанда, халықаралық күнтізбеге толық қатысуларына жол ашып береді. Ресей спортын әлемнің спорт аренасына табанды түрде қайтып әкелуді жалғастыра береміз», – деп жазды Дегтярёв өзінің телеграм-арнасында.
World Boxing атқару дирекциясы Ресей боксшыларын басқыншы елдің жалауымен және әнұранымен қатысуға рұқсат беру жөніндегі шешімді 30 шілде күні Шотландия орталығы – Глазго қаласында өткен конгресте қабылдады.
World Boxing ұйымы IBA-ға (AIBA) балама ретінде 2023 жылы құрылды.
