USD
ТАЛЛИН. 2 ақпан. Эстонияның Тырва деген қаласында Украина президенті Володимир Зеленьскийдің үлкен ескерткіші бой көтерді. Бұл туралы delfi.ee хабарлады.
«Зеленьскийге Тырвада қатырылған құмнан қойылған ескерткіш Украина соғыста жеңіске жеткенше тұратын болады», – делінген хабарламада.
Осылайша Эстониядағы Тырва қаласының тұрғындары америкалық Бостандық мүсіні стилінде президент Володимир Зеленьскийге ескерткіш қоюдың ишарасын жасады. Оның суретін Эстония премьер-министрі Каи Каллас ханым өзінің «Инстаграмдағы» аккаунтында жариялады.
Премьердің сөзіне қарағанда, ескерткішті тұрғызуға қаланың аумақтың қауымдастығы бастамашы болған. Ол сондай-ақ елдің басқа өңірлері тұрғындарының Ресей басқыншылығына қарсы соғысып жатқан Украина халқына айрықша жақтас болып отырғанын да назардан тыс қалдырмады.
«Эстония соғыста Украинаны толық қолдайды. Мұны барлық жерден байқауға болады. Тіпті қарапайым адамдардың өзі ау тоқып, оларды Украинаға жөнелтіп, қолдарынан келген көмектерін көрсетіп жатыр. Тырва тұрғындары елдің президенті Володимир Зеленьскийдің мүсіні қойылған Бостандық паркінің негізін қалады. Ескерткіш Украина соғыста жеңіске жеткенге дейін тұра береді деп жоспарланып отыр», – деп атап өтті премьер.
Бұдан бұрын Эстония Фин шығанағына қарай шығатын Ресей кемелеріне шектеу қоятынын мәлімдеген еді.
Эстон билігінің сондай-ақ Украинаға қолында бар біраз қару-жарақтарын, соның ішінде 155-мм калибрлі гаубицаларының бәрін беруге дайын екенін баяндағаны да белгілі.
