Дағыстанда мобилизацияға қарсы жұрт күре жолды жауып тастады

МАХАЧКАЛА. 25 қыркүйек. Дағыстанның Эндирей ауылының тұрғындары бүгін күндіз мобилизацияға қарсы шығып, ұлан жолды жауып тастады. Бұл туралы «Медуза» хабарлады.

Хабарланғандай, ауылдың 110 адамы мобилизацияға ілігіпті. Бұған қарсылық білдірген тұрғындар Хасавюрт – Махачкала федералды трассына шығып, жолды жауып тастаған. Олар ұлдарын, бауырларын, күйеулерін соғыстан қорғап, көшеге шыққан. Осыдан кейін полиция аспанға оқ атып, оларды тарқатуға әрекет жасаған.

Көргендердің айтуларынша, тәртіп сақшылары осылай жиналғандарды қорқытпақ болғанымен, одан жұрт қаймыға қоймаған. Бірақ қанша адамның жапа шегіп, қанша адамның ұсталғандары белгісіз.

Осы күні республика байтағы – Махачкалада да шеруге шыққандар болған. Олардың арасынан 6 адам қамалған.

Жалпы, қазіргі күндері Ресейдің көптеген қалаларында күн сайын осындай қарсылық қозғалыстары болып жатыр. Күн сайын полицейлер 700-800 адамды қамауға алуда. Бұлардың арасында Мәскеу мен Санкт-Петербургте ұсталғандардың саны бәрін көп болып отыр.

Бүгін Түмен, Улан-Удэ, Волгоград, Воронеж, Краснодар, Қазан, Якутск қалаларында осындай нарызылық толқыны болып өтті.