USD
КОЛОМБО. 22 мамыр. Шри-Ланка астанасында мәреге жеткен бокстан Азияның 19-ға дейінгі жастар арасындағы чемпионатында Қазақстанның екі құрамасы да зор жеңіске жетті. Бұл туралы rast.kz хабарлайды.
Онда еліміздің 2007-2008 жылдары туған қыздар командасы барлық 12 алтын медальді түгел жеңіп алып, айды аспанан бір-ақ шығарса, жігіттер командасы 13 медальдар жиынтығынан 10 алтын, 1 күміс және 1 қола медальге қол жеткізді. Тағы бір боксшымыз медальге жете алмай қалды.
Сөйтіп, екі құрама 22 алтын, 1 күміс және 1 қола медальді қоржынға салды.
Жігіттер арасындағы финалдық шайқастар мына боксшылар арасында өтті:
48 кг. Нұрхан Құмарбеков (Қазақстан) – Фераз Алсубхи (Сауд Арабиясы) RSC 2
51 кг. Досымжан Таңатар (Қазақстан) – Тенуун Чулуунбаатар (Моңғолия) RSC 1
54 кг. Алдияр БаҺадүр (Қазақстан) – Билолджон Иксанов (Тәжікстан) 5:0
57 кг. Нығман Нығмет (Қазақстан) – Даниил Булавкин (Қырғызстан) 5:0
60 кг. Әділет Тортубек (Қазақстан) – Мохит Мохит (Үндістан) 5:0
63,5 кг. Мұхит Нұрқабылұлы (Қазақстан) – Мухаммад Алимбеков (Қырғызстан) 5:0
67 кг. Сұлтан Тұрдалы (Қазақстан) – Мухаммедсултон Султонов (Тәжікстан) 5:0
71 кг. Алишерхудо Холов (Тәжікстан) – Арваз Ахмади (Қырғызстан) 5:0
75 кг. Абубакр Гафуров (Тәжікстан) – Жасұлан Бердалы (Қазақстан) 4:1
80 кг. Игорь Соловьёв (Қазақсстан) – Фирдоус Нажиби (Ауғанстан) RSC 2
86 кг. Азрет Автандилов (Қырғызстан) – Кумар Йаш (Үндістан) 5:0
92 кг. Расул Асанханов (Қазақстан) – Оман Хотак (Ауғанстан) RSC 2
+92 кг. Бексұлтан Қайратұлы (Қазақстан) – Каримжан Именхожаев (Қырғызстан) RSC 2
Бұлардан бөлек, 86 келіге дейінгі салмақта Нұрсұлтан Қыстаубай жартылай финалда қырғыз Азрет Автандиловтан 3:4 есебімен, яғни қосымша есептеулер бойынша ұтылып, қола медальді қанағат тұтты. Ал 71 келіге дейінгі салмақтағы Бекарыс Нұрмұхан өзінің бірінші жекпе-жегінде қырғыз Арваз Ахмадиге 1:4 есебімен жол беріп, медальсіз қалды.
Қыздар арасындағы финалдық шайқастарда біздің атлеттер мына қарсыластарынан басым түсті:
48 кг. Айым Таңқыбаева – Чанчал Кумари (Үндістан) 5:0
50 кг. Сила Биболсынқызы – Кашиш Малик (Үндістан) 4:1
52 кг. Рахмина Абдумежитова – Саронпорн Пхонпун (Таиланд) 5:0
54 кг. Жанель Имантаева – Ву Тхи Тхом (Вьетнам) 5:0
57 кг. Ақнұр Тұрсынғали – Нгуень Тхи Бич (Вьетнам) 5:0
60 кг. Толғанай Қасымхан – Аделия Асылбек кызы (Қырғызстан) RSC 2
63 кг. Алина Құдайгенова – Араччиге Вижечингхе (Шри-Ланка) RSC 1
66 кг. Акбота Есімбекова – Гарима Гарима (Үндістан) КО 1
70 кг. Мария Сидоренко – Труонг Ха Ви (Вьетнам) RSC 2
75 кг. Зарина Толыбай – Зарина Асанова (Қырғызстан) RSC 2
81 кг. Құралай Егінбайқызы – Анушка Шарма (Үндістан) RSC 1
+81 кг. Сабина Жақсылық – Гарн Пириал (Үндістан) RSC 1.
Біздің қыздар 60 келіге дейінгі салмақтан бастап соңына дейін қарсыластарын тек мерзімінен бұрын ұтып шықты.
Жеңімпаздар мен жүлдегерлер Халықаралық бокс федерациясы тарапынан ақшалай сыйақымен марапатталды: 1-орын — $1000, 2-орын — $500, 3-орын — $250.
Турнирге қыздар құрамасын Жангелді Ахметов, жігіттер құрамасын Бақыт Сәрсекбаев басқарып барды.
.
