USD
МӘСКЕУ. 10 маусым. Мәскеу түбінде кеше көлік ішінде жарылып кеткен адамның Қорғаныс министрлігінде басшы болып істейтін тұлға болғаны анықталды. Бұл туралы «ВЧК ОГПУ» телеграмы ақпарына сүйенген rast.kz хабарлайды.
Мәскеуде түбіндегі Балашиха қаласының Коньково бөлінгінде 9 маусым күні күндіз орын алған жарылыстың бүге-шігесі толық белгілі болды. ФСБ автомобиль бортына орналасқан қондырғыны қойған адамды да тауып ұстады. Оқиға орнына шақырылған саперлер «тозақ машинасын» дотанация жолымен жоқ қылып жіберді.
«Кеше таңертең ертемен Балашихада Қорғаныс министрлігі бас зымыран-зеңбірек басқармасының (Главное ракетно-артиллерийское управление – ГРАУ) бастығы Дамир Давыдов көлік ішінде жарылып кетті», – деп жазды «ВЧК ОГПУ» телеграм-арнасы.
«Бүгін жарылған РФ Қорғаныс министрлігі бас зымыран-зеңбірек басқармасының бастығы Дамир Давыдов жарылып кеткен «BMW X3» көлігі Давыдовтың өзінің жеке меншік көлігі болып шықты. Ол бұрын мінілген бұл кроссоверді 2024 жылы Владимир облысында тұратын бизнесменнен сатып алған екен. Давыдов бұдан 15 жылдан астам уақыт бұрын Қорғаныс министрлігі бас зымыран-зеңбірек басқармасы жанындағы 51-ші орталық сынау техникалық бюросын басқарыпты. Ол Владимир облысында орналасқан. Содан бері Давыдовтың өзі ГРАУ-ды басқаруды қолға алған. Соғыс басталғаннан кейін ол бірнеше рет ЛХР-ға барып қайтыпты», – делінген паблик хабарламасында.
Оқиға орнынан жарияланған кадрларға қарағанда, жарылыс Давыдов көлігімен көшеге шығып келе жатқан кезде орын алған. Жұрт жанып жатқан автомобильден оны тысқа шығарып үлгерген, бірақ бұл оның өмірін сақтап қала алмады.
Айта кетуіміз, керек бұл Балашиха қаласында әскери жоғары лауазымды басшыларды жарып жіберудің немесе атып тастаудың бірінші оқиғасы емес. Ал Дамир Давыдов көптен бері осы қалада тұрып келе жатқан.
