USD
КИЕВ. 20 қазан. Ростовқа келіп қайтатын Путинге сый жасамақшы болған генералдардың кесірінен Авдеевка түбінде РФ армиясы екі тәулік бойы қатты шығынға ұшырап, бостан босқа қырылып қалды. Бұл туралы «Диалог.ua» ақпарына сүйенген rast.kz хабарлайды.
«РФ қарулы күштерінің Авдеевка бағытында белсенділік көрсетуі РФ қарулы күштері штабына диктатор Владимир Путиннің келгелі жатқанынан туындап отыр», – делінген хабарламада.
РФ қарулы күштерінің командованиесі кеше, 19 қазан күні жақында Ростовтағы штабқа келеді деп күтілген диктатор Владимир Путинді қуандыру үшін қолдағы барлық күштерін украинның Авдеевка бекініс ауданына төккен. Бірақ қазіргі соғыстағы ең ауқымды ұрыстардың бірі болған бұл шайқас ресейліктер орасан зор көлемде талқандалумен аяқталды. Мұны «Кремлевская табакерка» деп аталатын ресейлік Z-арна айтып қойды.
«Авдеевкада быламық болып жатыр. Қазір Авдеевка бағытында не болып жатқанын сөзбен айтып жеткізу мүмкін емес, бірақ ондағы ахуал барып тұрған сұмдық. Бұдан бірнеше күн бұрын Авдеевка терриконны басып алу мақсатында алғашқы кең ауқымды шабуыл басталды, алайда бәрі сәтсіз бітті. Кеше тағы да бұзып-жарып өтуге талпыныс жасалды, тағы да қисапсыз шығынға жол берілді», – деп жазды Z-арна.
Оның мәліметінге, Дондағы Ростовқа келетін диктаторды аз уақытқа қуанышқа көміп, оның шапағатына бөленіп қалғылары келген генералдар әскерді «жертөсек болып» жататын шабуылдарға айдап салған.
«Генералдар Путиннің келетінін білді, сосын оған сыйлық жасамақшы болды. Біз 14-ші жылдан бері Авдеевка үшін соғысып жүрміз ғой. Жабдықтар келетін жолды жабу үшін терриконды басып алмақ едік, бірақ, өкініштісі, сыйлық жасалмай қалды. Қаза тапқандар көп. Тіпті санап та ала алмай жатырмыз», – деп жазды арна РФ қарулы күштерінің офицерінің сөздеріне сүйеніп.
Оның айтуынша, ауалдың нашар болғаны соншалық, оккупацияланған Донецкінің ауруханалары мен мәйітханаларында бос орын жоқ. Тек әскери техника жағынан ғана тәулігіне жоғатылғаны орта есеппен 40 бірлік болады.
«Әлдеқандай бір нақұрыстық орын алды: біздің жігіттерді жау құдды тирде тұрғандай болып жаппай атып тастап жатты… FPV типті дрондары техникаларымызды жайпап тастады, бәрі бітті сонымен», – деді шабуылға қатысқан оккупанттың бірі арнада.
Офицер сонымен бірге орыс генералдарына сонда да ақыл кірмегенін, олардың кезекті қырғынмен тынатын қанды қасапқа жаңа шабуылды дайындап жатқандарын айтты.
Ал Украина қарулы күштері теңіз жаяу әскерлері 36-бригадасының жауынгері осы күні өзінің Twitter-дегі блогына «19.10.23 Авдеевка. Осы күнді және мекенді есте сақтап қалыңыздар: бұл Ресей армиясының өткен жылы орын алған Белогоровкаданда да зор алапат шығынға ұшыраған күні болды», – деп жазды.
Біз есте сақтап қалып отырмыз.
