USD
ЕРЕВАН. 7 маусым. Бүгін Арменияда керуен керген Ұлттық ассамблея сайлауы өзінің мәресіне жетті, дауыс беру толық тоқтатылды. Бұл туралы The Moscow Times ақпарына сүйенген rast.kz хабарлайды.
«Жергілікті уақыт бойынша 20:00-де барлық 2005 сайлау учаскесі жабылды, оның ішінде қылмыстық-атқару жүйесі мекемелерінде орналасқан 9 сайлау учаскесі жұмыстарын тиянақтады, содан кейін дауыс санау басталды», деп хабарлады Armenpress.
Хайастанда 2 млн 505 мың 228 азаматтың дауыс беру құқығы бар. Орталық сайлау комиссиясының мәліметінше, сағат 17:00-де келушілер саны 48,92% – ға, нақты 1,22 млн-нан астам адамға жетті.
«Би-би-си» атап өткендей, бұл сайлау елдің одан әрі сыртқы саяси бағытын айқындаушы ретінде қарастырылып отыр. Науқан Ресеймен қарым-қатынастың салқындауы, Ереванның Еуропа одағына жақындасу әрекеттері және Қарабақты айырылғаннан кейін Әзербайжанмен бейбіт келісім төңірегінде жалғасып жатқан пікірталастар аясында өтті. Парламенттегі 101 орынға 18 саяси күш – 16 партия және 2 блок таласты; өту шегі партиялар үшін 4% және блоктар үшін 8%-ды құрады. Сайлау алдындағы сауалнамалар сенімсіздіктің жоғары деңгейін көрсетті: респонденттердің шамамен 40%-ы ешқандай саясатқа сенбейтіндерін білдірді, дауыс беру қарсаңында сайлаушылардың 23%-ы қай партияны таңдағандарын айта алмады. Енді осы соңғылары қайда қарай бұрылған болса, сол жақ едәуір басымдыққа жетер еді.
«Би-би-Сидің» хабарлауынша, сайлаудың өзі жоғары шиеленісті және тартыс жағдайында өткен. «Менің Пашинянға қоятын көптеген сұрақтарым бар, бірақ басқа барлық үміткерлерге сенімім одан да аз», – деді сайлауға келген Ереванның бір әйел тұрғыны басылымға.
Бұған дейін Reuters агенттігі өз мәнбелеріне сілтеме жасай отырып, Кремль сайлау нәтижесіне әсер ету үшін Ресейде тұратын армяндарды – 100 мыңға дейін адамды Арменияға жібермекші бллып жоспарлап қойғаны жазған болатын. Агенттіктің хабарлауынша, РФ өзінің олигархы, ресейлік бизнесмен Самвел Карапетянның премьер-министріне лауазымына өтетініне үмітпен қараған.
Мәскеу Еуропа одағына жақын бағыт ұстай бастағанына орай Ереванға жан салып, қысым жасауды күшейтті. Владимир Путин 29 мамыр күні Астана сапары кезінде Арменияны «Украинаның тағдырын» ұмытпауға шақырды, Ресей армян өнімдерінің импортына шектеулер енгізді, елге газ бен мұнай өнімдерін жеткізу туралы келісімдерді қайта қарайтындарын ескертті.
