USD
ЕРЕВАН. 6 маусым. Арменияда ресейшіл топтың депутаттыққа түскелі тұрған 6 үміткерін қылмыстық қуғындауға салуға рұқсат берілді. Бұл туралы Minval.az ақпарына сүйенген rast.kz хабарлайды.
Хайастан бұқаралық ақпарат құралдарының мәліметінше, Армения Орталық сайлау комиссиясы Кремльдің итаршысы болып отырған «Күшті Армения» партиясынан депутаттыққа түскелі отырған алты кандидатқа қатысты қылмыстық қудалауды қозғауға келісім берген, оларға сайлаушылар қауымына пара берді және аса ірі мөлшерде ақша қаражатын жылыстатты деп күдік таңылып жатыр.
Тергеу комитеті қамауға алу туралы шешім қабылдаған фигуранттар қатарында Ваге Тавакалян, Айк Авакян, Ваге Егиазарян, Сусан Бадоян, Ашот Саакян және Артур Абрамян бар. Олар енді ертең, 7 маусым күні өтетін сайлауға қатыстырылмайды.
Қадағалау ведомствосының баяндауынша, прокуратура қылмыстық қудалауға келісім беру туралы өтінішті 5 маусымда жолдаған.
Бір айтарлығы, бұған дейін осы қылмыстық іс аясында блок жетекшісі және ресейлік олигарх Самвел Карапетянның ең жақын серіктестерінің бірі Алик Алексанян қамауға алынған болатын.
Бұдан бұрын парламенттік сайлауда дауыс беруге қатысу үшін Ресейден бір топ ұлты армян азаматтардың Арменияға арнайы ұшақпен мәжбүрлі түрде жеткізілгені белгілі болған.
Civic.am порталы Армениядағы парламент сайлауына қатысып, Кремль көз тігіп отырған үміткерлерге дауыс берулері үшін Ресей Федерациясының Иркутск облысынан Ереванға жеткізілген азаматтардың тізімін жариялады. Ресурс Армения құқық қорғау органдарын осы тізімге назар аударуға шақырды.
Қазір Хайастан астанасында 100 мың қаралы адам қатысқан үлкен митинг өтіп жатыр. Олардың бәрі Арменияның қазіргі билігіне қолдау көрсету мақсатында жиналған.
