USD
САМАРҚАНД. 16 қараша. Өзбекстанда сауда орталығында әйелі мен оның көңілдесін өлтірген ер кісі 22 жылға сотталды. Бұл туралы CentralAsia.uz хабарлады.
Самарқандта сауда орталығында сатушылар мен келушілердің көз алдында өзінің әйелі мен оның жанында жүрген серігін пышақтап өлтірген адамға сот үкімі шығарылды.
Қанды оқиға өткен жылғы 20 қараша күні Самарқанд қаласында орын алған. Әйелінің көзіне шөп салып жүргенінен күдіктенген ер кісі осындай соңғы қадамға барған.
Баспасөздің хабарлауынша, қаланың Пастдаргом ауданында тұратын 42 жастағы ер кісі біраздан бері жұбайының жүрісінен секем алып жүріпті. Осы күні ол жолдың жиегінде әйелінің 31 жастағы Р.Э. деген кәсіпкердің «Нексия» көлігінен түсіп жатқанын көріп қалады. Бұл екеуінің байланыстары бар екеніне көптен көңілінде күдігі бар еркек жүгіріп үйіне барып, пышақ алып шығады. Сосын әлгі екеудің соңынан еріп отырады. Олар сауда орталығына келіп кіргенде, арттарынан барады. Ол қалтасынан пышағын шығарып, бірден кәсіпкерді ұрады. Оның денесіне бірнеше жерден пышақ сұғып алғаннан кейін тамағынан орып жібереді. Содан кейін әйеліне бұрылып, оны да әп-сәтте жайратып тастайды.
Бас прокуратураның баспасөз қызметі хабарлағандай, Самарқанд облыстық соты қылмыс жасаушыны 22 жылға бас бостандығынан айырады.
