USD
НДЖАМЕНА. 21 сәуір. Чадтың жақында қайта сайланған президенті Идрис Деби бүлікшілермен атыс кезінде қаза тапты. Бұл туралы DW басылымы хабарлады.
«Терроршылармен» жүргізілген кескілескен ұрыс барысында «ерлікпен қаза тапқан» президент елді соңғы отыз жылдан бері үзіліссіз басқарып келе жатқан еді. Ол бұл жолы осы орынтаққа алтыншы мәрте сайланған болатын. «Мәңгі президенттің» қолдан жасап алған сайлауда билікке қайта келіп, диктатурасын жалғастырғысы келген арсыз ниетіне төзбеген халықтың бір бөлігі сол кезде көтеріліске шықты. Мұның бәрі күллі әлемде бір адамның шексіз диктатурасына деген қарсылық қозғалысының қауырт көтеріліп келе жатқанын білдіреді.
Африка құрлығындағы мұсылман ел – Чадтың «өзгермес» президенті Идрис Деби майдан шебінде алған жарақаты салдарынан жантәсілім етті. Бұл оқиға ол алтыншы рет президент болып «сайланғаннан» кейін арада бірнеше күн өткенде орын алды.
Чад армиясының ресми өкілі Дебидің көтерілісшілермен соғыстың алдыңғы шебінде жүрген кезінде қаза тапқанын айтты.
Сәуірдің 19-ы күні президент командасындағылар оның «терроршылармен» соғысушы армияға қосылу үшін елдің солтүстік бөлігіне қарай бара жатқанын мәлімдеді. Ливия жеріне барып тығылған көтерілісшілер сонда шекера бекетіне шабуыл жасап, оңтүстіктегі шөлді алып жатқан жүздеген шақырым аралықты қамтиды. Ал олар Чад армиясымен шайқас кезінде 300 адамынан айырылады.
Идрис Деби билікке 1990 жылы мемлекеттік төңкеріс нәтижесінде келген болатын. Ол бұдан кейін алты сайлауда жеңіске жетті.
Ал бұдан үш жыл бұрын Чад парламенті бұған дейінгі сайлаулардың бәрін «нөлге» апарып, «күймеске» етіп жіберіп еді. Бұл Дебидің әр жолы алты жылдан тағы екі рет сайлануына мүмкіндік берді.
Соңғы сайлау 11 сәуір күні өтті. Алдын ала нәтижелер онда 79 пайыз дауыс алған Дебидің сайланғанын көрсетті.
