USD
АСТАНА. 19 қыркүйек. Қазақстан Президенті Қасым-Жомарт Тоқаев Астанада жас футболшылармен кездескен кезінде Дастан Сәтбаевты үлгі етіп көрсетті. Бұл туралы Kasinform.kz ақпарына сүйенген rast.kz хабарлайды.
Қазақстан Президенті Қасым-Жомарт Тоқаев Астанада жас футболшылармен кездесу сәтінде қазір Англия алаңдарында өнер көрсете бастаған 18 жасар қазақстандық шабуылшы Дастан Сәтбаевты оларға үлгі ретінде атады.
Мемлекет басшысы балалардан кімге еліктейтіндерін сұрағанда, олар Килиан Мбаппе мен Криштиану Роналдудың есімдерін атаған. Осы кезде Президент: «Дастан Сәтбаев та бар емес пе?» деп қазақстандық футболшыны еске салған.
Қазір Сәтбаев Англияның Чемпионшип лигасында ойнайтын «Бернли» клубында өнер көрсетеді. Алайда қазақстандық шабуылшы 19 қыркүйекте өтетін 8- турындағы «Дерби Каунтиге» қарсы матчқа қатыспайды. Кездесу Қазақстан уақытымен сағат 19:00-де басталады.
Бұған футболшының жарақаты себеп болып отыр. Сәтбаев «Мидлсброға» қарсы кездесуде негізгі құрамда ойнап, матчтың үздік футболшысы атанған еді. Бірақ ойын соңында ол санының артқы тұсынан жайсыздық сезініп, алаңнан ауыстырылды. Кейін «Бернлидің» бас жаттықтырушысы Ники Хайен қазақстандық шабуылшының бірнеше аптаға қатардан шыққанын мәлімдеді.
Дастан Сәтбаев әзірге алаңға орала алмайды. «Бернли» – «Дерби Каунти» матчы Ланкаширдегі «Терф Мур» стадионында өтеді.
