Кастро дәуірі келмеске кетті. Куба жаңа лидерін атады
ГАВАНА. 20 сәуір. Кеше Куба коммунистік партиясы Мигель Диас-Канельдің партияның бірінші хатшысы болып сайланғанын жариялады. Ол Рауль Кастроның орнына келді. Бұл туралы BBC хабарлады.
Диас Канель бұдан үш жыл бұрын Кастроның Куба президенті деген лауазымын алған еді, енді Бостандық аралындағы одан да гөрі ықпалды да құдыретті қызмет – партия басшылығына қол жеткізіп отыр.
Атап өтілгендей, Бостандық аралында революция жеңіске жеткен 1959 жылдың қаңтар айынан кейін бірінші рет бұл өлкені Кастро фамилиялас емес адам басқарғалы тұр.
Қазір жасы 89-ға келген Рауль Кастро 1959 жылғы революцияның жеңісі нәтижесінде генерал Фульхенсио Батистаны билік басынан ығыстырып шығарғаннан кейін Кубаны үзіліссіз басқарып келген туған ағасы Фидель Кастро 2011 жылы өз еркімен бергесін бірінші хатшының орынтағын қолына алған болатын.
Ал Мигель Диас-Канель одан тура 30 жас дерлік кіші. Мемлекеттік социализм моделіне ымырамен қараған ол өзін президент ретінде жақсы қырынан көрсетті. Диас-Канель жеке секторды шектеп кеңейге рұқсат етті. Саяси лидер ретінде ле күтпеген өзгерістерге бармайтын сияқты.
Мигель Диас-Канель өзінің саяси мансабын бұдан 20 жыл бұрын Фидель Кастромен бірге соғысқан Че Гевараның мавзолейі орналасқан Санта-Клара қаласында жастардың коммунистік лигасының мүшесі ретінде бастады.
Диас-Канель 2009 жылы білім министрі, 2013 жылы мемлекеттік кеңестің вице-президенті, ал 2018 жылы Кубаның президенті болды.
Куба Диас-Канельдің басшылығымен Солтүстік Корея, Қытай, Ресей, Боливия және Венесуэла елдерімен жақсы-қарым-қатынас орнатып келеді.
Рауль Кастро 16 сәуірде өзінің Куба коммунистік партиясы басшысы қызметін тоқтатып, тізгінді беретінін жариялады.
