Пашинянның өміріне қастандық жасаудың жолы кесілді
ЕРЕВАН. 15 қараша. Армения қауіпсіздік қызметі премьер-министр Никол Пашинянның өміріне жасалғалы жатқан қастандықтың жолын кесті. Бұл туралы РИА «Новости» хабарлады.
Қауіпсіздік қызметінің сайтында Сюник облысының «премьер-министрдің ішкі және сыртқы саясатымен келіспейтін, үкіметке қарсы көзқарастағы» А. М. атты бір тұрғынының үйінде көп мөлшерде қару-жарақ, жарылғыш заттар жинағаны айтылады.
Арнайы қызметтің пікірінше, осы адам Армения мен Таулы Қарабақтың үкіметке қарсы саясаткерлерімен және олардың жақтастарымен «билікті басып алу үшін заңсыз сақталған қару-жарақтар мен оқ-дәрілерді премьер-министрдің өмірін заңсыз қию жолымен оның әрекетін және үкіметтегі уәкілдігін узурпациялауын тоқтатуға пайдалану» жөнінде келісімге келген.
«Ұлттық қауіпсіздік қызметі дайындалып жатқан айрықша ауыр қылмысты ашып, оның жолын кесті», – делінген хабарламада.
ҰҚҚ-дағылар бұған күдікті ретінде «Отан» партиясының лидері, ҰҚҚ-ның бұрынғы директоры Артур Ванецянды, парламенттің бұрынғы депутаты және ондағы Республикалық партия фракциясының экс-басшысы Ваграм Багдасарянды, Армян революциясы федерациясының мүшесі А.А-ны, сондай-ақ Сисиан ерікті жасағының командирі А.М-ді ұстады.
Күштік құрылымдарды тексеру нәтижесінде көп мөлшерде қару-жарақ пен оқ-дәрілер, атап айтқанда, пулемттер, гранатометтер, оптикалық нысанасы бар винтовкалар, патрондар, жарылғыштар, детонаторлар, запалдар табылғаны атап көрсетілген.
