USD
МИНСК. 22 қазан. Бүгін Беларусь астанасына Ресей Федерациясы сыртқы барлау қызметінің басшысы Сергей Нарышкин шұғыл ұшып келді. Бұл туралы TUT.BY хабарлады.
«Бүгін Сергей Нарышкин Минскіде. РФ сыртқы барлау қызметінің басшысы. Президентпен бір сағаттан кейін кездеседі», – деп мұны растады «Пул Первого» телеграм-арнасының ақпары.
Бұдан бұрын Нарышкин Беларусьтегі қарсылық қозғалыстарына Пентагон мен ЦРУ инспекторлары қатысып жүргенін мәлімдеген еді. Ол сондай-ақ Ресей сыртқы барлау қызметінің Беларусьтегі резонансты арандатушылықтарды дайындауға Рим-католик шіркеуінің беделді діни қызметкерлерінің де қатыстары бар екенін айтты.
«Бұл католиктер арасында үкіметке айтарлықтай қарсы көңіл күйдің бар екенін айғақтайды», – деді ол.
Еске сала кетейік, Беларусьтегі қарсылық қозғалысы президент сайлауы өткен 9 тамыз күнгі түннен бері әлі бір күн толастаған жоқ.
Ал дүйсенбі күні Александр Лукашенко күштік құрылымдар басшыларымен жиын өткізіп, «өзі президент болып тұрғанда, халықтың айтқаны болатынын, қандай да бір түйткілді мәселені мұның өзі де, аппарат басшысы да, басқа да шешпейтінін, тек халық шешетінін» өзіне тән демагогтікпен айта келіп, жиналғандарға алдағы жексенбі күні алаңға шығатындардың жолдарын біржола кесіп, қайта көтерілмейтіндей етіп қою туралы тапсырма берді.
Ресей басшылығы Беларусьтегі наразылық қозғалысын басуға көмектесуге шындап кіріскен сияқты. Нарышкиннің келісі соны білдіреді. Ол осы жолы Лукашенкомен нақты тақырыпта келісім жүргізетін сияқты. Кейбір мәнбелерге қарағанда, елді тыныштандыруға арналатын ендігі операция Александр Григорьевичтің міндетті түрде орнын босатуы арқылы ғана жүзеге асуы тиіс. Егер бұл оған келіспесе, Ресей де ештеңеге көмектесе алмайды. Демек, алдағы әңгіме іс басындағы президенттің тағынан өз еркімен кетуіне арналатын шығар. Сол жағдайда ғана Ресей оның кейінгі қауіпсіздігін өз бөдіретіне ала алатын болады.
