USD
МӘСКЕУ. 24 маусым. Ресей президенті Владимир Путин Беларусьтің өзін өзі сайлап алған басшысы Александр Лукашенкаға Украинаға қарсы екінші майдан ашуды және НАТО-ға қарсы соғыста көмектесуді міндет етіп қойды. Бұл туралы The Moscow Times ақпарына сүйенген rast.kz хабарлайды.
«Ресей армиясы Украинада түпкілікті тұрақтап қалды, енді Владимир Путин Александр Лукашенкадан жанжалды ушықтыра беруге көмектесуді талап етті. Мәскеу Украинаға қарсы соғыс науқанын кеңейте түсу үшін немесе НАТО елдеріне қарсы операциялар жүргізу үшін Беларуське биыл ертерек қысым жасай бастады», – деп әңгімеледі The Wall Street Journal газетіне бұрынғы және қазіргі ресейлік және еуропалық шенеуніктер. Бұл Еуропадағылар мен Киевтегілерге аян болып отыр.
Бұған дейін Эмманюэль Макрон мен Володимир Зеленський өз кезектерінде Лукашенкаға алдын ала ескерту жасап үлгерді, соның ішінде жұртқа естртіп те айтты.
Соңғы уақыттары Кремль, атап айтқанда. Украина Қарулы күштерін Ресейдің шығыс жақтарына соққы беруден аулақтату үшін Беларусь елінің территориясын Украина дрондарына соққы беру мен оның батыс өңірлеріне екінші майдан ашу үшін пайдалануға мүмкіндік беруді үзілді-кесілді талап етіп жатыр. Бұған қоса, Беларусь көрші елдерге – НАТО мүшелеріне қарсы соғыс операцияларына, – міндетті түрде ашық қақтығыс түрінде қатыспаса да, – қосыла алады деген нұсқау да беріліп тұр.
WSJ мәтбұғатына Мәскеу мен Минск арасындағы қарым-қатынас сипатына қанық Ресей арнаулы қызметінің бұрынғы қызметкері атап айтқандай, олай болмаған жағдайда Кремль белорус тарапына қаржылай көмектесуді тоқтатамыз деп қорқытып бағады, ал бұл жақтың экономикасы шынында орыстарға қашаннан қатты тәуелді болып келеді.
Франция президенті Эмманюэль Макрон мамыр айында Лукашенкаға қоңырау шалып, онымен бір жарым сағаттай уақыт сөйлескен. «Парижде Беларусь соғысқа қатысуын белсенді еткелі отыр деген ақпарат бар» деген Макрон Лукашенканы мұндай қадамға барудан қатты сақтандырды.
Сол мамыр айында Володимир Зеленський де Киевтің мұндай мәліметтерді алып отырғанын айта келіп, Ресей мен Беларусь арасында ресми тұлғалардың келіссөз жүргізе бастағанын білетінін жайып салды. Украин лидері өткен аптада да белорус басшысына көпшілік жүзінде ашық шығып, ел территориясында орналасқан украин қалаларына дрондар шабуылдарын бағыттап отыратын ресейлік ретрансляторларды бұзып, алып кету үшін бір жеті уақыт беретінін мәлімдеген болатын. «Олай болмаған күнде, Киев оларды өз күштерімен жайып жібереді» деді соңында украин лидері.
