USD
БАКЫ. 17 қазан. Армения қарулы күштері бүгін түнде тағы да Әзербайжанның елді мекендері зеңбірекпен атқылады. Бұл туралы «Sputnik» хабарлады.
«Армения қарулы күштері Таулы Қарабақ аумағынан тыс жерлердегі бейбіт елді мекендер мен қалаларды ракетамен атқылауды жалғастырып келеді», – делінген хабарламада.
Әзербайжан президенті әкімшілігінің сыртқы саясат мәселелері жөніндегі бөлімінің меңгерушісі Хикмет Гаджиев өзінің Twitter-дегі парақшасында осы жайында кеңінен жазды.
Алдын ала ақпарға қарағанда, Гәнжәнің 20-дан астам үйлері осы атыста бүліншілікке ұшыраған.
Бейбіт тұрғындар арасында жараланғандар көп, біраз адам үйінділердің астында қалған.
Қазір қорғаныс министрлігі төтенше жағдай қызметінің құтқарушылары үйінділер астынан жаралыларды шығарып жатыр.
Алдын ала мәліметтер бойынша, ракета зарптары Армения территориясындағы екі атыс позициясынан жөнелтілген.
Сол сияқты Әзербайжан әуеге қарсы қорғаныс күштері Мингечаурға қарай атылған баллистикалық ракетаны қалаға жеткізбей, әуеде жарып жіберген.
Әзербайжан бас прокуратурасының дерегіне сай, қыркүйектің 27-і күні басталған Армения қарулы күштерінің арандатушылық шабуылдары салдарынан 15 қазан күні 15 қазан күнгі сағат 12:00-ге дейін елдің 43 бейбіт тұрғыны қаза тапқан. Жалпы, азаматтық тұрғындар арасында зардап шеккендер саны 218 адамға жетті. Бұдан бөлек, 1592 тұрғын үй, 290 азаматтық нысан және 79 көп пәтерлі тұрғын үйлер қираған.
Осы оңбағандық оқиғасына байланысты Ресей «Национальная оборона» журналының бас редакторы Игорь Коротченко бұдан бірнеше сағат бұрын өзінің Twitter-дегі парақшасында «Қалаларды ракетамен атқылаудың не керегі бар? Мұнда тұрған ешқандай да соғыс мақсаты жоқ. Ереван өзінің өте қауіпті ойынын ойнап жатыр. Бұйрық берген кім? Пашинян ба? Оның өзі сасқан адамның түрін көрсетіп отыр… Әлде Тоноян ба?», – деп жазды. Бұдан кейін белгілі әскери сарапшы тағы: «Түн ішінде жаппай қырғын мен қиратуға ұшырату үшін қалаларға қарай мақсатты түрде ракетамен соққы жасау – бұл қорқытып-үркітудің көпе-көрнеу акциясы. Мұны ақтауға болмайды», – дегенді қосты сосын.
Иә, бұл оқиға армяндар жөніндегі жаман пікірді одан бетер қоюлата түседі.
Ең масқарасы сол, Армения қорғаныс министрлігінің баспасөз хатшысы Шушан Степанян деген қатын әдеттегідей бетбақтығына салынып, «түнде армяндардың Әзербайжан территориясын атқылағанын» арсыздықпен жоққа шығарып отыр.
