ӘлеуметЖаңалықтар жаңғырығы

Минскіде шерушілер күштік құрылым сарбаздарымен қақтығысты (видео)

МИНСК. 11 қазан. Беларусь астанасы – Минск қаласының орталығында наразылық шеруіне шығушылар күштік құрылымдар сарбаздарына қарсылық көрсетті. Бұл туралы TYT.BY хабарлады.

Өткен тамыз айының 9-нан бері тоқтаусыз жалғасып келе жатқан сайлау қорытындысына наразы халық өкілдерінің қарсылық қозғалысында бүгін бірінші рет шерушілердің құқық қорғаушыларға қарсы шыққан оқиғасы орын алды. Ол «Минск – қаһарман-қала» стелласы маңында болды.

Стелла маңына әлденеше жүздеген демонстранттар жиналды. Бұдан кейін алаңға қарай автозактар ағылды, күштік құрылымдар келді.

Машиналардан жүгіріп шыққан құқық қорғаушылар манифестанттарды кеспелтекпен ұрғылап, қууға көшті. Ал қарсылық қозғалысындағылар оларға қарай қолдарына түскен заттарды лақтыра бастады.

Күштік құрылым сарбаздары стелла жанында наразыларға шулы-жарықты гранаталарды лақтырды. Сосын ОМОН жауынгерлері шерушілерді ұстауға кірісті.

Күштік құрылым демонстранттарға водометтен су да атқылады.

Мұндай қарсылық қозғалыстары бұл күні Минскіден бөлек, тағы Брест, Гродно, Могилев, Гомель, Кобрин секілді қалаларда да болып өтті.

Тағы көрсету

Пікір қалдыру

Ұқсас мақалалар

Back to top button