USD
КРАСНОДАР. 22 қыркүйек. Ресейдің Краснодар қаласының мэрі Евгений Наумов шаһар маңында «қызыл жұлдызшалы», яғни соғыста қаза тапқандар молалары ұлғайып келе жатқанын мақтаныш ететінін мәлімдеді. Бұл туралы Lenta.ru ақпарына сүйенген rast.kz хабарлайды.
Ресей мэрі арнайы соғыс операциясы барысында қаза тапқандар қатарының уақыт озған сайын өсе түсуі краснодарлықтар арасында патриоттық сезімнің артып келе жатқанына өлшем бола алатынын айтты. Бірақ мүлт кеткенін тез ұқты. Көп ұзамай әкімдік шенеуніктері дәйектемедегі сөздерді өзгертіп беруге асықты.
«Краснодар мэрі Евгений Наумов жергілікті бейітте қызыл жұлдызша қадалған қорымдар санының көптігіне қуанатынын жеткізді. Қала басшысының сөзін баспасөз қызметі жариялады, алайда дәйектеме жылдам өзгертіле қойды. Бұған әкімдік тарапынан ешқандай түсіндірмен берілген жоқ», – делінген хабарламада.
Әңгіме соғысқа қатысқан, соның ішінде Ұлы Отан соғысында болғандар да жерленген «Всесвятская кладбищаға» реконструкция жасау турасында болып отыр.
«Қызыл жұлдыздары бар қабірлерді көптеп көрген қандай қуанышты. Осылайша сенбілік кезінде қаһармандарды еске алдық. Жұлдыздардың шашыратқыларына қарап тұрып, Краснодардың нағыз патриоттар қаласы екенін бірден түсінесіз!», – деді мэр.
Көп ұзамай мәтіннен бұл жолдар алынып тасталды. Соған қарамастан, әлеуметтік желіде үлкен шу көтеріліп кетті.
Рас, бұл оқиға сәл бұрындау, биылғы 14 мамырда орын алған еді. Бірақ таяуда жұрт тағы осы тақырыпқа қайта оралып, «тілінен апатқа ұшырап жүрген» дуанбасын дуаналар қатарына қосып жіберуді қайта талап ете бастады.
