USD
КРАСНОДАР. 22 сәуір. Ресейдің оңтүстігінде Краснодар өлкесінің Қара теңіз жағалауындағы ежелгі Туапсе (Туапсы) қаласы Украинаның соққысының салдарынан жойылып кетті. Бұл туралы Ресей мәтбұғаты ақпарына сүйенген rast.kz хабарлайды.
Кремльдің Z арналары «Туапсе қаласы енді жоқ» деп жарыса күңіреніп жазып жатыр. Осыған орай Telegram арналары мен Z-насихатшылары Туапседегі мұнай инфрақұрылымдарының дрондар шабуылынан кейін күл-талқаны шыққанын қатты наразыдық білдіруде. Олар қаладағы экологиялық жағдай апаттық ахуалға жетті және оның салдары Туапсенің өзіне ғана емес, сонымен қатар Қара теңіз жағалауына да әсер етеді деп жазды.
«Қазір Чернобыль Туапсеге келді», – деп атап өтті ресейліктер.
Каналдардың бірінде олар қалада «жер, су және ауа уланған» деп мәлімдеді, сонымен қатар мұнай өнімдерімен араласқан «қара жаңбыр» құйғанын сипаттады. Сонымен қатар, ластану жағалау аймақтарына таралуы мүмкін, ал теңізде ұзындығы 7 шақырымға дейін жететін белдеуде мұнай дақтары бар.
«Туапсе қаласы енді жоқ. Ол жойылды. Ақиқатында. Онда жер уланған, су уланған, ауа уланған. Дәл қазір Хиросимадағыдай қара жаңбыр жауады, судың бетінде мұнайдың күйесі қалқып жүр», – деп жазады арна.
Туапсе (Туапсы) – ежелгі адыгтер (адыгей, черкес, кабардин) қаласы. Ол осы миллеттің «туа» («екі»), «псы» («су, өзен») деген сөздерінен құралған. Қазір қалада 67 мың халық тұрады. Олардың 47 мыңнан астамын, яғни 75 пайызын орыстар, 5 мыңнан астамын, яғни 8 пайызын армяндар, 1 мыңнан астамын, яғни 1,9 пайызын украиндар құрайды. Ал жергілікті абориген автохтонды байырғы жұрт – адыгтер (черкестер) мыңға да жетпейді. Міне, орыс отарлаушылығының бір көрінісі осындай.
