USD
МӘСКЕУ. 28 шілде. Ресей президенті Владимир Путин алдағы үш жылдың мемлекеттік бюджеті соғысты жалғастыру жағдайы ескеріліп жасалуы керек екенін мәлімдеді. Бұл туралы The Moscow Times ақпарына сілтеме жасаған rast.kz хабарлайды.
«Соғыс шығындары таяудағы үш жылдың бюджетіне дайындықтың басыңқы бағыты болып қала береді», – деді Владимир Путин дүйсенбі, 27 шілде күні. Ол Мемлекеттік думаның өз жұмыстарын аяқтап жатқан VIII шақырылым депутаттарымен кездесуі кезінде осылай деді.
Путин өзінің сөзінде «русофоб машинасын», санкциялар бойынша «әлемдік рекордтарды» іске қосып жіберген Батысты айыптады, сосын «ешкімге ешқашан Ресей халқын сындыру» мүмкін болмайтынын атап өтті.
«Біздің саяси жүйеміз, билік институтымыз Ресей Федерациясынының егемендік бастауына толық сәйкес қалыптасады және елді қорғауға дайын, қоғаммен бірге кез келген жаулық қадамдарға шешімді тойтарыс беруге қауқарлы», – деді Путин.
Үкімет 2026 жылғы бюджет туралы заңда «ұлттық қорғаныс» бабы басында 12,9 трлн рубль болып бекітілген еді. «Алайда әскери бюджет іс жүзінде 4-5 трлн рубльге артып кетті» деп әңгімеледі маусым айында Bloomberg-тің жағдаймен таныс мәнбелері. Олардың сөзінше, Қаржы министрлігі соғыстың барлық шығынын көтеру үшін азаматтық баптар секвестрін дайындап, 2-3 трлн қосымша қарыз тартуға ниетті болып отыр.
Іс жүзінде бюджеттің Украинадағы соғысқа бөлген шығыны жылдың бірінші тоқсанында 5,9 трлн рубль деңгейіне жетіп қойған.
