USD
ЧИТА. 9 мамыр. Ресейдің Чита қаласында «арнайы соғыс операциясы» құрбандарының әйелдері мен аналары Жеңіс шеруімен жүріп өтті. Бұл туралы The Moscow Times ақпарына сүйенген rast.kz хабарлайды.
Жарияланған кадрлардан әйелдердің бәрі бірдей әскери киімдерді иықтарына жамылып, ашық көгілдір түсті көйлек киіп алғандарын көруге болады.
Чита әкімшілігінің мәліметінше, салтанатты сапта кадет мектеп-интернатының тәрбиеленушілері де болған.
Шерудің соңын қаза тапқандардың портреттерін ұстаған әйелдер тобы басып қалды.
«Агенттік» жариялаған жазбада шараны жүргізушінің «Арнайы соғыс операциясы» ерлерінің жесірлері мен аналары бірдей болып киініп алып, «қазір алдыңғы шепте жүргендер алдындағы жауапкершіліктің, адалдық пен қайтпас қайсарлықтың символы» болып көрінді» дегенді айтқаны естіледі. Келесі жүргізуші: «Бұл саптың әрбір адымының соңынан сенім, үміт және махаббат еріп келеді. Әр көзқараста жоғалтқанға қайғыру мен шексіз мақтаныш сезімі жатыр» деп соқты.
Сонымен бір мезгілде антрополог Александра Архипова мәнбелерге сілтеме жасай отырып, мереке алдында Ресейдің кейбір аймақтарындағылардың «шеру» сөзін «салтанатты саппен жүріп өту» деп ауыстыруды талап ететін әдістемелер жібергенін атап көрсетті. Мұндай плакаттар, атап айтқанда, Краснодар, Өфө және Челябі қалаларынан шыққан көрінеді.
