USD
ҚОСТАНАЙ. 31 наурыз. Қостанайда полиция қызметкерін жабылып ұрып жатқан бір топ мас бұзақылар қамауға алынды. Бұл туралы alau.kz ақпарына сүйенген rast.kz хабарлайды.
Әлеуметтік желілерде Қостанайда бұзақылардың полиция қызметкерін қатыгездікпен ұрып-соғып жатқаны түсірілген видео тарады. Кадрда мас қалыптағы адуын ер адамдар тобы офицерге шабуыл жасап, оған қарсы дене күшін қолданғаны көрініп тұр.
Алдын ала мәліметтер бойынша, офицер қызметтен тыс уақытта кішкентай балаларын ертіп жүрген. Ол мас жігіттердің жұрттың мазасын алып, тыныштықты бұзып жүргенін көргесін ескерту жасаған. Содан кейін «тентек суға» тойып алғандар тіпті құтырып кетеді.
Үш жігіт офицердің заңды ескертпесіне жауап ретінде оған бірден тап беріп, ,балаларының көзінше соққыға жығады, жабыла тепкілейді.
Артынша бұл оқыс оқиғаны тудырушылардың барлығы тез арада анықталып, ұсталды. Шенеунікке шабуыл жасау дерегі бойынша қылмыстық іс қозғалды.
Құқық қорғау органдарының қызметкерлері мұндай әрекеттер заңды өрескел бұзу болып табылатынын және мүмкіндігінше қатаң түрде қаралатынын атап өтті.
Полиция қызметкеріне шабуыл жасау ауыр қылмыс болып саналады және қылмыстық жауапкершілікке әкеп соғады.
Тергеу мүддесі үшін бұдан асқа ақпарат таратылмайды.
