Қызылордада «Көк бөрі» сайлау учаскесіне келіп, таңдауын жасады

ҚЫЗЫЛОРДА. 15 наурыз. Қызылорданың «Көк бөрісі» сайлау учаскесіне келіп, республикалық референдумға қойылған екі сұрақтың біріне өз таңбасын қалдырды. Бұл туралы Қызылорда облысы әкімі баспасөз қызметінің дерегіне сүйенген rast.kz хабарлайды.

Сыр бойында «Көк бөрінің» ерекше мәртебесі бар. Ол жергілікті «Қайсар» футбол клубының символы болып табылады. «Көпшілік оны Қызылорданың намысын қорғайтын FC KAYSAR командасының рухымен де байланыстырады», – делінген хабарламада.

Бүгін Қызылордадағы №260 сайлау учаскесіне осы Көк бөрі ерекше қонақ ретінде келді. Сыр елінің рухын бейнелейтін ол референдумда өз таңдауын жасады.

Көк бөрі – қала жастарына жақсы таныс образ, батылдық пен жеңістің нышаны.

Айта кету керек, Көк бөрі 2026 жылғы республикалық референдумда қызылордалықтар үшін басты кейіпкерге айналып үлгерген.

Учаскеге келген тұрғындар «Көк бөрімен» суретке түсіп, ерекше атмосферада өз дауыстарын берді.

Сыр өңірінде бүгінгі күн тек дауыс беру күні ғана емес, бірлік пен белсенділіктің күні болды.