USD
БРЮССЕЛЬ. 10 наурыз. Еуропа одағының санкциялар жөніндегі комиссары Дэвид О’Салливан Ресей экономикасы күйреудің алдында тұрғанын атап өтті. Бұл туралы DW ақпарына сүйенген rast.kz хабарлайды.
Комиссар Ресейдің 1998 жылғы дағдарысқа ұқсас қаржылық дағдарысқа тап болғанына сенімді. Ол Ресей экономикасы алдағы кез келген уақытта күрт құлдырауға ұрынуы мүмкін екенін ескертті.
«Санкциялардың өзі Ресейдің Украинаға қарсы соғысын тоқтата алмайды, бірақ мен төрт жылдық санкциялардың айтарлықтай әсер еткеніне толық сенімдімін», – деді ол 10 наурыз, сейсенбі күні жарияланған Redaktionsnetzwerk Deutschland басылымына берген сұхбатында.
«Ресей экономикасы апатты жағдайда. Барлық экономикалық көрсеткіштер қызыл түспен жыпылықтап тұр», – деді сосын.
«Ел рецессияға түсіп, мемлекеттік қаржымен, инфляциямен және өте жоғары пайыздық мөлшерлемелермен күрделі проблемаларды бастан кешіруде», – деп жалғастырды ЕО комиссиясының жоғары лауазымды қызметкері.
Оның айтуынша, банктер өнеркәсіп орындары соғыс экономикасын қаржыландыру үшін алуға мәжбүр болған нашар несиелерде отыр, енді кәсіпорындар оларға қызмет ете алмайды.
«Ресей 1998 жылғы дағдарысқа ұқсас қаржылық күйреудің алдында тұр. Әрине, қандай жағдайда да соғысты жалғастыруға толық шешімдегі диктатор тек қана осылай жасай алады. Бірақ ерте ме, кеш пе, ахуал шыдай алмайтындай хәлге жетеді», – деп мәлімдеді ирландиялық дипломат.
О’Салливан «Хемингуэйдің бір мезеті» деп аталатын мәселені де еске салып өтті. Атақты жазушы Эрнест Хемингуэй кезінде өзіне қойылған банкроттың қалай келетіні жайлы сұраққа: «Алдымен өте баяу, содан кейін өте жылдам жеьеді» деп жауап берген екен. Еуропа одағының санкциялар жөніндегі комиссары мұның Ресейге де қатысы бар екеніне сенеді. «Мен Ресей экономикасы алдымен өте баяу, содан кейін өте тез күйрейді деп есептеймін. Біз тек Хемингуэй мезетінің қашан келетінін ғана әзір нақты білмейміз», – деді ол.
