USD
АСТАНА. 28 қыркүйек. Бүгін Мемлекет басшысы Қасым-Жомарт Тоқаев Самарқандта өткен Дүниежүзілік шахмат олимпиадасында екінші орын алған Қазақстан әйелдер құрама командасын осы жеңісімен құттықтады. Бұл туралы Zakon.kz ақпарына сілтеме жасаған rast.kz хабарлайды.
Президент өз лебізінде Бибісара Асаубаева бастаған қазақ шахматшылары бұл беделді турнирдің бірде-бір ойынында жеңілістің ащы дәмін татпағанына назар аударды.
Қазақстан терме жамағаты жарыста әлемдегі ең мықты командалардың бірі саналатын Қытай құрамасын ғана алға жіберіп, күміс медальді алқалады.
Қасым-Жомарт Тоқаев қазақ шахмат шеберлерінің бұған дейінгі олимпиададағы жетістігін қайталап, екінші орын алғанын мәлімдеді.
Мемлекет басшысы бұл нәтиже спортшылардың жоғары деңгейін, талантын, еңбекқорлығын және отаншылдығын көрсететінін айтты.
Президент шахматшы қыздарға толайым табыс, зор денсаулық және бақ-береке тіледі.
