Зеленський Ресейдің соққы берілетін аумағын арттыруды тапсырды
КИЕВ. 28 қазан. Украина президенті Володимир Зеленський әскерилерге украинның алысқа атылатын қаруымен Ресейдің түкпірдегі атқылауға ұшырайтын аймақтары аумағын ұлғайтуға тапсырма берді. Бұл туралы BBC ақпарына сүйенген rast.kz хабарлайды.
Украина лидері өткізген жоғарғы бас қолбасшы ставкасында, өзінің айтуынша, Украина Қарулы күштерінің «Ресейге қарсы санкцияларды алысқа атылатын зымырандармен беру» қабілетінің жайы талқыға түскен. Кездесуге сондай-ақ осы қару-жарақты өндірушілер, сондай-ақ оларды қолданылуына жауапты мамандар қатысқан.
«Киев Ресей аумағының тереңірек түкпіріне бағытталған соққылардың географиясын кеңейтуге дайындалып жатыр», – деп мәлімдеді Украина президенті Володимир Зеленський.
«Негізгі тақырып – Ресейге қарсы ұзақ қашықтыққа бағытталған санкциялар мүмкіндіктеріміз… Біз белгілі бір кезеңдегі алыс қашықтыққа бағытталған соққыларымыздың тиімділігін және қол жеткізілген нәтижелерді талдадық. Ресейдің «мұнай өңдеу» өнеркәсібі соғыс үшін айтарлықтай құн төлеп жатыр және әлі де көп төлейді. Біз алыс қашықтыққа бағытталған соққы мүмкіндіктеріміздің географиясын кеңейту мақсаттарын анықтадық», – деп жазды Зеленський Telegram-да.
Өткен аптада The Wall Street Journal газеті АҚШ шенеуніктеріне сілтеме жасай отырып, Уашингтонның Киевтің батыс одақтастары жеткізетін алыс қашықтықтағы зымырандарды пайдалануға шектеулерін алып тастағанын хабарлады. Бұл Украинаға Ресей ішіндегі нысандарға шабуыл жасауға мүмкіндік береді, бұл жаңа санкциялардан кейін АҚШ-пен диалогты қайта бастаудың орнына, тағы да ядролық қаруын көрсетіп жатқан Кремльге қысымды күшейтеді.
Газет мәнбелері сонымен қатар Украинаның Ресей аумағына ұшақтардан ұшырылатын және 290 км-ден астам қашықтыққа жететін британиялық Storm Shadow қанатты зымырандарын пайдаланып, одан әрі шабуыл жасайтынын күтетінін айтты. Мұндай шабуылдардың бірі 21 қазанда Украина Қарулы күштері Брянскідегі оқ-дәрі, жарылғыш заттар және зымыран отынының компоненттерін шығаратын химиялық зауытқа соққы беру үшін Storm Shadow зымырандарын пайдаланған кезде болды. Маусым айында Украина Қорғаныс министрлігі Киевтің Ресейге қарсы ұзақ қашықтықтағы соққылардың санын және ауқымын «бірнеше есеге» арттыруды жоспарлап отырғанын хабарлады. Бұл мақсатта ондаған мың шабуылдаушы ұшқышсыз ұшу аппараттары пайдаланылады. Екі айдан кейін Киев Ресейдің мұнай өңдеу өнеркәсібін жою үшін ауқымды науқан бастады, оның ішінде мұнай өңдеу зауыттары мен онымен байланысты инфрақұрылымға шабуылдар жасалды.
