Австралия індетке орай қызметкерлерге $80 млрд ақша бөлді

КАНБЕРРА. 31 наурыз. Австралия билігі коронавирус эпидемиясы кезінде компаниялары қиын жағдайда қалған қызметкерлерге жалақы төлеу үшін 130 млрд австралия доллары ($80 млрд) көлемінде қаржы бөлді. Бұл туралы РИА «Новости» хабарлады.

Мұны елдің премьер министрі Скотт Моррисон ABC News телеарнасынан көрсетілген баспасөз мәслихатында айтқан.

Оның айтуынша, коронавирустың салдарынан жұмыстарынан айырылған, сондай-ақ компаниялары ауыр жағдайда қалған қызметкерлерге бір жарым жыл бойы айына 1 500 австралия доллары (920 АҚШ долларына жуық) мөлшерінде беріліп тұратын болады. Үкімет басшысы атап өткендей, бұл елдегі орташа айлық жалақының 70 пайызын құрайды.