Трамп Барак Обаманы мемлекетке сатқындық жасады деп айыптады
УАШИНГТОН. 23 шілде. АҚШ президенті Дональд Трамп елдің бұрынғы президенті Барак Обамаға мемлекетке опасыздық жасады деп айыптап отыр. Бұл туралы DW ақпарына сүйенген rast.kz хабарлайды.
Трамп 2016 жылғы сайлауға қатысты Ұлттық барлау бағалауына түсіндірме бере келіп, Барак Обама мен басқа да демократтарды мемлекетке опасыздық жасады деп айыптады.
АҚШ президенті Дональд Трамп АҚШ-тың бұрынғы президенті Барак Обаманы сатқындық жасады және 2020 жылғы сайлауды бұрмалады деп айыптады. Ол мұны 22 шілде, сейсенбі күні Ақ үйде журналистер алдында сөйлеген сөзінде айтты.
«Бұл опасыздық болды. Олар сайлаудағы дауысты ұрламақ болды. Сайлауды шатастырмақ болды. Олар тіпті басқа елдерде де ешкім елестете алмайтын нәрселерді жасады», – деді Трамп.
Ол «бас қарақшы» деп атаған Обамадан басқа, сол кездегі Демократиялық партиядан үміткер Хиллари Клинтон мен өзінің алдындағы Джо Байденді 2020 жылғы сайлауды бұрмалады деп айыптады.
«Олардың бүкіл тобы сайлауды бұрмалауға тырысты және олар ұсталды. Олар 2020 жылғы сайлауды бұрмалады», – деді Трамп.
CNN атап өткендей, АҚШ-та мемлекетке опасыздық жасаған адам өлім жазасына кесіледі.
