Қызылорда жолдарында «көрінбес» құпия патрульдер пайда болды
ҚЫЗЫЛОРДА. 10 шілде. Қызылорда облысының жолдарына да «көзге көрінбейтін» құпия патрульдер бақылау мен кезекшілікке шыға бастады. Бұл туралы Finratings.kz ақпарына сүйенген rast.kz хабарлайды.
Облыс жолдары бойларында жарқ-жұрқ еткен шамдары мен таным белгілері жоқ машиналар жұмыс істеп жүр. Мұндай көліктердің ішіндегі камералар тәртіп бұзушылардың деректерін автоматты түрде жіберіп тұрады.
Қазір Қызылордада да «көрінбейтін» патрульдер бар. Полиция ақылды бақылау камералары орнатылған, таным белгілері жоқ машиналарды жол бойларына шығарып жатыр. «Бұлар тек жай радарлар ғана емес, сонымен бірге тұтас із кесуші Ekin X-Spotter кешендерінен тұрады», – деп хабарлайды Finratings.kz аймақ полиция департаментіне сілтеме жасай отырып.
Бірақ мұндай ақылды жүйелердің тап қайда және қанша көлік болып жүретіндерін ашып айтпайды. Есесіне аталмыш техниканың жұмысын бастап кеткенін баяндайды.
«Бұл – ноу-хау емес, әлемдік тәжірибе. Мұндай жүйе тәртіп бұзушылықтар мен жазатайым оқиғалар санын азайтуға көмектеседі», – деп түсіндірді Қызылорда облыстық полиция басқармасының баспасөз қызметі.
Айтпақшы, мұндай камералар жылдамдықты шектен асырғандарды ғана ұстамайды. «Құрылғы іздеуде жүрген көліктерді де «көреді», автобус жолағында жүргендерді, заңсыз тұрақтарды, белгілерден тысқары шығып кеткендерді және басқа да тәртіп бұзушылықтарды автоматты түрде және инспектордың қатысуынсыз тіркей алады», – деп атап өтті полиция департаменті.
