Ыстанбұлда жүздеген мың адам наразылық қозғалысына шықты
ЫСТАНБҰЛ. 29 наурыз. Бүгін Түркияның ең ірі қаласы – Ыстанбұлда жүздеген мың адам көшеге шығып, үкіметке қарсылық білдіруде. Бұл туралы DW ақпарына сүйенген rast.kz хабарлайды.
Оппозициялық Халық республикалық партиясының жетекшісі Озгур Озел көпшілік алдында сөйлеген сөзінде шеруге 2,2 миллион қатысып жатқанын айтты.
Түркияда 29 наурыз, сенбі күні оппозиция президенттікке кандидат ретінде ұсынған Ыстамбұл мэрі Экрем Имамоглу тұтқындалғаннан кейін басталған кең ауқымды наразылық қозғалысы бүгін тағы жалғасты.
Франс Пресс (AFP) агенттігінің бағалауынша, Ыстанбұлдағы наразылыққа жүздеген мың адам қатысып жатыр. Елдеші ең ірі оппозициялық Халық республикалық партиясының (ХРП) жетекшісі Озгур Озел олардың саны 2,2 миллион болатынын айтты.
AFP атап өткендей, Мальтепе ауданында демонстранттар қолдарында түрік тулары мен Түрік Республикасының негізін қалаушы Мұстафа Кемал Ататүріктің портреттерін ұстап тұр. Шерушілер 2013 жылы Таксим алаңында басталған жаппай наразылықтарға сілтеме жасап,«Барлық жерде Таксим бар, барлық жерде қарсылық бар!», – деп ұрандатты.
«Бұл тек басы ғана», – деп жазды Озел бүгін Х әлеуметтік желісінде. Оның айтуынша, бұдан былай Түркияда наразылық акциялары әрбір демалыс күндері Түркия аймақтарының бірінде және әрбір сәрсенбіде Ыстарбұлдың аудандарының бірінде тұрақты түрде өтіп тұратын болады.
