USD
МӘСКЕУ. 8 ақпан. Ресей президенті Владимир Путин Грозныйда атып түсірілген Әзербайжан ұшағы үшін көпшілік алдында кешірім сұраудан бас тартты. Бұл туралы The Moscow News ақпарына сүйенген rast.kz хабарлайды.
Владимир Путин желтоқсанда орын алғаан AZAL (Әзербайжан әуе жолдары) ұшағының апатына қатысты мәлімдеме жасауды жоспарлап отырған жоқ. Кремль спикері Дмитрий Песков Әзербайжан бұқаралық ақпарат құралдарында орын алған Грозный аспанында атқыланған ұшақ үшін жауапкершілікті Ресейден сұрау жөніндегі хабарларға түсіндірме бере отырып осының жайын айтты. «Жоқ, [апат туралы айту] жоспарда жоқ», – деді ол.
Бұған дейін Reuters агенттігі Әзербайжан үкіметіндегі мәнбеген сілтеме жасап, Қазақстанның Ақтау қаласы маңында апатқа ұшыраған AZAL компаниясының Embraer E190 ұшағын ресейлік Pantsir-S зениттік-зымырандық кешені атып түсіргенін хабарлаған болатын. Кейін «Azeri-Press» (APA) басылымы Мәскеу өз кінәсін мойындамаса, Бакы оған қарсы халықаралық сотқа шағым түсіруге дайындалып жатқанын жазды. Басылымның мәліметінше, қазір қайғылы оқиғаға Ресейдің қатысы барын растайтын айғақтар мен басқа да материалдар талданып жатыр.
Қазақстанның Көлік министрлігі бірнеше тесігі бар фюзеляждың фотосуреттерімен бірге оқиғаға қатысты алдын ала есепті жариялады. Құжатта ұшақтың құйрық бөлігінде, тік тұрақтандырғышта, сондай-ақ лифт пен рөлде оқ тесіп өткен және өтпей қалған тесіктердің тіркелгені атап көрсетілген. Осыған ұқсас іздер ұшақтың сол қанатында, қозғалтқышында және басқа бөліктерінде де табылған.
Бұдан бөлек, Әзербайжан Көлік министрлігі апат болған күні Грозный әуежайында «Кілем» режимі (әуе кеңістігін төтенше жағдайда жабу) енгізілгенін, алайда диспетчер бұл туралы экипажды зардап шеккеннен кейін хабардар еткенін баяндады. Ведомство сондай-ақ ұшақтың Шешенстан аспанында GPS сигналын жоғалтқанын атап өтті.
APA-ның хабарлауынша, Әзербайжан тарапы Мәскеудің 2014 жылы Донбасс үстінде малайзиялық Boeing MH17 ұшағы атып түсірілгеннен кейін қолданылған стратегияны қайталап, оқиғаның мән-жайын жасыруға тырысып отыр деп есептейді. Республика билігі Қазақстанның Көлік министрлігінің есебін жариялағаннан кейін де Ресейдің өз жауапкершілігін мойындамай отырғанына наразы.
AZAL ұшағының апаты 25 желтоқсанда, Бакуден Грозныйға ұшып бара жатқан Embraer E190 ұшағы Ақтау облысында құлаған кезде орын алды. Қайғылы оқиға салдарынан 38 адам қаза тауып, тағы 29 адам жарақат алды.
