USD
УАШИНГТОН. 30 қаңтар. Пентагондағылар ұшақ пен тікұшақтың соқтығысуы салдарынан орын алған апаттың себебін егжей-тегжейлі ашып берді. Бұл туралы CNN ақпарына сүйенген rast.kz хабарлайды.
Бүгін Уашингтон қаласынан 40 шақырым жердегі аспанында Black Hawk тікұшағы Bombardier CRJ700 жолаушылар ұшағына барып соқты.
Пентагондағылар оның сол маңдағы әскери базадан ұшып шыққанын айтты.
«Біз бүгін апатқа ұшыраған әуе кемесіне барып соққан армияның Форт-Биверден ұшып шыққан тікұшағы екенін мойындаймыз», – делінген ведомство хабарламасында.
Соқтығыс Уашингтон уақытымен сағат 21:00-де (Астанда – 12:00) шамасында орын алған. American Airlines авиакомпаниясының азаматтық Bombardier CRJ700 лайнерінің бортында 64 адам болған, оның ішінде экипаждың төрт мүшесі де бар.
«Америка даусының» хабарлауынша, құтқарушылардың 12 сағатқа созылған іздеу жұмыстары апаттан аман қалған ешкімді таппаған. 60-тан астам адам түгел қаза тапқан деп есептеліп отыр. Ұшақ Уашингтондағы Рональд Рейган атындағы ұлттық әуежайға жақын жерде Потомак өзеніне құлаған.
Құтқарушылар әзірге 28 адамның денесін су астынан алып шыққан, олардың 27-сі ұшақтан, ал біреуі тікұшақ бортынан шығарылған.
Қазақ тапқандар арасында Ресейдің Уашингтонға ұшып бара жатқан бірнеше спортшысы болған. Mash telegram-арнасы олардың аты-жөндерін жариялады. Тізімде мына атлеттер бар: Эндрю Торгашев, Максим Наумов, Миша Митрофанов, Кэти Макбет, Даниил Паркман, Кристина Каррейра, Энтони Пономаренко, Алексей Щепетов, Артем Маркелов, Антон Спиридонов, Данила Савельев, Джеффри Чен. Бортта бұлардан бөлек, бұрынғы кеңес чемпионы, Татьяна Тарасованың шәкірті Инна Волянская да отырған.
