USD
АСТАНА. 27 қараша. Қазақстан Денсаулық сақтау министрі Ақмарал Әлназарова ұшақта сырқаттанып отырған бір жолаушыға шұғыл көмек көрсетті. Бұл туралы fastnews.kz ақпарына сүйенген rast.kz хабарлайды.
«Астана–Алматы бағытындағы КС 622 таңғы рейсі бір жолаушы үшін қайғылы жағдаймен аяқтала жаздады. Жолаушыға сол ұшақта отырған Денсаулық сақтау министрі Ақмарал Әлназарова көмектескен», – делінген Baq.kz хабарламасында.
Артынан анықталғанындай, лайнер ұшу жолағына қарай жылжып бара жатқан мезетте борттағы бір жолаушы қыздың жағдайы кенет нашарлап кеткен. Оның демде қан қысымы көтеріліп, жүрегі айни бастаған.
Сол кезде оның жанында отырған жолаушының бірі: «Стюардесса! Стюардесса! Жолаушының жағдайы нашарлап барады, дәрігер керек!» дейді жанұшыра.
Жолаушылардың айтуларынша, сол үрейлі дауысты естіген мәурітте бортта отырған Денсаулық сақтау министрі Ақмарал Әлназарова бірден көмекке ұмтылған. Ол қыздың қан қысымын өлшеп, алғашқы көмекті көрсетіп, ұшақ толық көтерілуге дайындалмай тұрып-ақ жолаушының есін жиғызған.
Министрдің шалт қимылы мен тығыз тапсырмалары арқылы борт серіктері науқасқа сулық пен қол қалталарды жылдам жеткізген. Бұған кеселді қыздың жанында отырған құрбысы да болысқан.
Ақырында дәрігер министрдің тәжірибесі мен кәсіби іс-қимылының нәтижесінде жолаушының жағдайы біртіндеп тұрақталған. Жолаушылар көмек көрсеткен әйелдің министр екенін кейін білген.
Рейс жолаушылары жағдайдың сәтті аяқталуына Ақмарал Әлназарованың жедел шешімі мен кәсібилігі себеп болды деп отыр.
Денсаулық сақтау министрлігінің баспасөз қызметі де болған оқиғаны растады.
