Қызылордада оқушы қызды зорлауды ұйымдастырған жігітке үкім шықты
ҚЫЗЫЛОРДА. 12 қараша. Қызылордада 16 жасар оқушы қызды зорлау ісі бойынша айыпты деп танылған жас жігіт сот жүзінде жаза алды. Бұл туралы ҚазТАГ дерегіне сүйенген rast.kz хабарлайды.
Ол өзін ұйымдасқан қылмыспен күрес департаментінің қызметкері ретінде таныстырған екен. Бірақ онысы жалған болып шықты.
«Қызылорда қаласының №2 сотында жабық сот отырысында Т.-ға қатысты Қылмыстық кодекстің 194-бабы 2-бөлігінің 1) тармағы (қорқытып алу) бойынша қылмыстық іс қаралды», – делінген облыстық сот баспасөз қызметінің хабарламасында.
Еске сала кетейік, бұдан біршама уақыт бұрын Қызылордада сексуалдық құлдыққа түсіп, бір жыл бойы қысым мен азапта болған оқушы қызға қатысты ақпар тараған еді. Ол бүкіл қоғамды дүр сілкіндірді.
Осыған байланысты сот бұрын үйқамаққа шығарылған жасөспірім күдіктілерді қамауға алған болатын.
Сот өзін ұйымдасқан қылмыспен күрес департаментінің қызметкері деп таныстырған 21 жастағы жігіттің жасөспірім қызды ар-намысына тиетін ақпарат таратамын деп қорқытып, одан 700 мың теңге тауып беруді талап еткенін, бұдан бөлек, сөмкесіндегі 35 мың теңгені де тартып алып қойғанын баяндады.
Сот үкімімен Т., кінәлі деп танылып, 4 жыл 6 айға бас бостандығынан айырылды.
